METIU 7:13 - KARANU KABI SAMTAM

¹³ “Pwidi kamarum kiteito liitlo, kadapokii Mibamki pangliit tang karam takam teinii majale sateichii pwidi teinii malahle; sateichii teikito kaliitmei teinii hangkiile.

METIU 7:13 Referans Kwoze

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 10:9

Inii takam teile, mei kata hangninanii gudato liit leponii, ahgo keipyii tangle sateichii ahnii tatpat tatliitsii hiiboi kabi tei doutangle.

GALATIMEI 5:24

Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.

METIU 3:2

“Lungkali wolo, daponii sating gam sazyii tei natakle.”

METIU 3:8

Gonyiinii lungkali kalu mah riiti tei matilo,

2 KORENMEI 6:17

Teijangpii Bangpiinii tamle, “Ahnyii kak kito gonyiinii sipat tosii thaam wolo, sateichii matei kasu tei hangninii kado deng sulo; teitii leponii Inii gonyiigo lukaipyii tangle.

METIU 23:13

“Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

PILIPIMEI 3:19

Ahnyii teinii mibam kito kalui tiitangle, dapokii ahnyiimah sara teinii ahnyii mah pumzainii kamarei ka-ntha hang teile; ahnyiinii nroutang karam nito detdile, ninado ahnyiinii sazyii pou- ryiito kaluimah pot hang gotei roinii maningle.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

MATIMANGOU KAPYII 20:3

Kathok nlai kaga ahom lungkii toikai aitakle, sateichii tingkum tangkii tei sang kasuta ahnii luihang go chuisii hem matulak tang karam jangpii chabyii kai aisii ah gamkii seal kai aitakle. Aitaito ahgo tinglang shangniika jangpii mpat tang karamle.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

ROMMEI 9:22

Sateichii Saraanii tiipyii kabam tei kasangle, mpounii mpoumah ra- karhii tei mangounyii takle, sateichii mpoumah teimaham tei matinyii takle, Nlenii tiimaga katu dou kamajyiimei gotei mpounii hangkapii lumsii lehpyiile.

LUKNII KARYII KABI RASAM JUKAMATI 14:33

Tei takumpiinii mei hangninii kaniido gutai kaswimei tiipeiwo lakle, mpou mah kalei hangtei pyiitoi lahok kasuta tei.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

LUKNII KARYII KABI RASAM JUKAMATI 9:33

Sateichii ahnyiinii Jisu dato n-nou kalei tinglang kak, Pitar nii mpou dakii tamle, “Pumpii nyiinii aiki kabam ai kadaziikapii bipo; Nyiinii dwipeiki hangtum lamle, hangninii gojangpii, hangninii Moses jangpii, sateichii hangninii Ilaijah jangpii,” (Mpounii dapei tamziipo katu mpounii kasangpii timakle.)

METIU 7:14

Kada- pokii karing bamki pangliit tang karam takam teinii marumle, sateichii pwidi teinii hungle sateichii teitei kadoumei moimakle.