METIU 6:30 - KARANU KABI SAMTAM

³⁰ Nlenii tingnei ringsii kalei supouneinii tukok kikii toikaisii rutoi kalei luki hiinhii gotei Saraanii aidzyii kapiinii bisii peimani pyii leponii, oh kamalum kagamei, Mpounii gonyiigo kisii peimani pyiilakpo?

METIU 6:30 Referans Kwoze

LUKNII KARYII KABI RASAM JUKAMATI 12:28

Sateichii tingnei ringsii kalei, supounei mibam kikii toikai aitang karam Aningki hiipa gotei Saraanii aiziikii hungsii tiipyii lepo- chiinii; he kamalum tang kasumei, mpounii gonyiigo kisii peimani kaipyii lakpo?

METIU 14:31

Teisek-kii Jisunii bah hampat mpougo jum wosii mpou dakii tamle, “O, kamalum tang kasumei, dajangpii nang maning kariirhii leipo?”

1 PITAR 1:24

Kabi rasam kito katam takumpii, katunii, “Meinah hang ai hiinhii takumle, sateichii ah mah pumtei kava hangteinii hiinhii mah hiipa takumle. Hiinhii teinii keetule sateichii hiipa teinii huiga tule.

METIU 16:8

Ahnyiinii tam kalei tei Jisunii tiwosii mpounii tamle, “Tiirok pang- kado kaga mah kaang kito dajangpii gonyiinii gonyii kak kito rashiisii leipo? Oh kamalum kachengmei!

METIU 8:26

Teito mpounii ahnyii dakii tamle, “He kamalum kagamei, gonyii dajangpii hing leipo?” Teito Mpounii gungtu tingkai ninado dwijai gotei ntak tulo sii kakhat takle; teito manoi majung takle.

JONNII KARYII KABI RASAM JUKAMATI 20:27

Teito mpounii Thomas dakii tamle, “Gobah jungna tei aikikii kailo, sateichii gubah hangna ai julo ninado gobah hampatsii gumah kalaat kikii kailo, go mah malum kasu tei tou ailo ninado malum wolo.”

MARK 4:40

Nlenii mpounii ahnyii dakii tamle, “Kadajangpiinii gonyii hing leipo? Toi katangpii kamalum tei gonyiinii gapo?”

HEBRUMEI 3:12

Kangsanamei, gonyii kak kito mei kado kashyii lung kapung, sateichii malum kasu tei patsii mpounii karing Saraa dato dhiisii tat tu kasu tiisii sakai wolo.

LUKNII KARYII KABI RASAM JUKAMATI 9:41

Teito Jisunii khekalatle, “Oh kamalum kaga ninado karampoumei ha, Inii gonyiigo kada takii kaswisii bamsii gonyiigo tiiha tangpo? Gonah sapfii mpou gotei aiki pang gonglo.”

MARK 9:19

Teito Jisunii ahnyii dakii khekalatle, “Oh, kamalum kagamei ha, Inii gonyiigo kadatakii kaswisii bam tangpo? Inii gonyiigo kaswisii kadatakii pungha tangpo? Mpougo guda pang patlo.”

METIU 17:17

Jisunii khekalatle, “Oh kama- lum kaga ninado karampou mei-ha, Inii kadatakii gonyiigo kaswisii bam tangpo? Inii gonyiigo kadatakii leh njoi tangpo? Mpougo aiki guda pang gonglo.”