METIU 6:10 - KARANU KABI SAMTAM

¹⁰ Go mah sating sazyii gong matulo; Sating gamto nangnii kamaning kamazhii katii takumpii sazyii pouryiito tiimatulo.

METIU 6:10 Referans Kwoze

HEBRUMEI 10:36

Kadapokii gonyiinii Saraamah kamaning kamazhii tei tiitang karam jangpii sateichii mpounii riishii tiikabam tei doutang karam jangpii, gonyiinii lung lehti tang karam kabi ai leile.

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

METIU 26:42

Nlailoisii hangna kashang tiisii mpounii tatpatsii riita takle “Gu pfii, peek ai Inii sak kasuta gudato ma- jutu wolak leponii, gomah kamaning kamazhii tei tiimatulo.”

METIU 12:50

Kadapokiisating gamto kalei gu pfiinii kamaning kamazhii katiimei hangtei gu sanamei, gu taipwimei ninado gu pwile.”

1 THESOLONIKAMEI 5:18

tinglang hang kito hakalang tei tamlo, kadapokii ai ai gonyii jangpii Krista Jisu dato Saraamah kamaning kamarei teile.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.

IPISAMEI 6:6

Meimah dzyii kabi katiimei takumpiinii mik kangoumah nga kanga tei tiisupiinii, Kristamah kikaleimei takumpii lungto Saraamah kamaning tei tiipyiilo.

METIU 7:21

“N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle.

1 PITAR 2:15

Kadapokii kasang kabi katii teipii kapang kamangmei mah tikasu ngoukasu tei malhiisupiinii leimatu katu tei Saraamah kama- ning kamazhii teile.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

METIU 3:2

“Lungkali wolo, daponii sating gam sazyii tei natakle.”

LUKNII KARYII KABI RASAM JUKAMATI 22:42

“He Pfii-o, Nangnii mazhii lepo- chiinii, kamage kalak mah Peek ai gudato poitoi seilo. Nlenii katalyii tiikido Inii kamaning kamarei tei tiimatu supiinii nangnii kamaning kamarei tei tiimatulo.”

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

MATIMANGOU KAPYII 19:6

Sateichii meimoimah rok takumpiinii, dwi hangkii ninado sating katwimah khoi takumpiinii, aitiisii katam Inii shiitakle, “Haleluiyah! Kadapokii kadi kathang Saraa nyii Bangpiinii magong leile.

1 THESOLONIKAMEI 4:3

Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)

TIILAMLWI KAPYIIMEI THA JUKAMATI 21:14

Sateichii mpougo hempei woka- lak kito, nyiinii tou aisii tamle, “Bangpii mah kamaning tei tiimatulo.”

TIILAMLWI KAPYIIMEI THA JUKAMATI 13:22

Sateichii Saraanii mpougo poikalisii ahnyii mah sagong tiimatu tang karam jangpiinii Devit go mpatpyiile, mpou jangpiinii mpounii sakchyiido pyiisii tamle, Inii Jesse nah sapfii mpou Devit, gulung kito kamaning kamazhii hangninii dou- takle, mpounii Inii kamaning kamarei hangtei tiitangle.

METIU 4:17

“Lungkali wolo, Kadaponii sating gam sazyii tei natakle.” Sii tamsii Jisunii tei tinglang sekpii tam ralipyiihou tutakle.

MATIMANGOU KAPYII 12:10

Sateichii sating gamto kasagoi rok hangninanii aitiisii tam kalei tei Inii shiile, “Aitoinii keikapyii karing, pumtei, ninado nyiimah Saraamah sating sazyii ninado mpoumah Kristamah teimaham tei gongtakle. Kadapokii nyii kangsanameigo nyii Saraa doito tinghum tingna chuisii hemsii kalei ahnyii gotei toi m-mang aitakle.

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

HEBRUMEI 10:7

Teito Inii tamle, ‘julo, ajaitingshang mah larek bung kiteikii gumah kaang kito ryii kabam takumpii, gomah kamaning kamarei tei tiitang karam jangpii Inii gongtakle, O Saraa.’ ”

LUKNII KARYII KABI RASAM JUKAMATI 19:38

“Bangpii zei kito gong kalei sagong tei doibile! sating gamto kamajung teilo, sateichii sagoi kaki pumtei kava teilo!”

MARK 3:35

Dapokii Sa- raanii kamaning kamazhii tiisii kalei meihang tei gusanameile ninado gutaipwi meile ninado gu pwile.”

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

MARK 11:10

Nyii pfii Devit mah gong kalei Sagong sazyii tei doibile, Hosanna, kasagoi goisang kito.”

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

KOLOSIMEI 1:13

Kamyii teinii apum tiisii kalei kiteito mpounii nyiigo poi mpat- pyiisii mpounii hangkapii lungkasyii mpounah sapfii mpoumah sagong sazyii kikii pang gongkaipyii takle.

LUKNII KARYII KABI RASAM JUKAMATI 19:11

Teito sam hang ai ahnyiinii shii leibangpii, mpounii ndasam hang- niniido tamle, kadapokii mpounii Jerosalem namdiki manangpi lei- takle, sateichii Saraa mah Sating Sazyii tei kalangsii ngoutu tang taklesii ahnyiinii maningle.

TIILAMLWI KAPYIIMEI THA JUKAMATI 22:14

Teito mpounii tamle, Nyiipei nyii- paomei mah Saraa teinii n-go mpoumah kamaning tikabui, kasang kamajyiipii gotei ngoumatu tang karam sateichii mpou mwi kito mpou roktei shii matutang karam jangpii kalai mpatpyii takle;