METIU 5:16 - KARANU KABI SAMTAM

¹⁶ Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

METIU 5:16 Referans Kwoze

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

JONNII KARYII KABI RASAM JUKAMATI 15:8

Gonyiinii ti hangniikii matisii, aitiisii gonyiinii gumah boumei tiikatu aipiinii gu Pfii mah pumtei kava tei mangoule.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

1 PITAR 4:14

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

2 KORENMEI 9:13

Sateichii gonyiimah ngamnii pung kagong maning kariirhii kaga aijangpii, gonyiinii tam kalei Kris- tamah kabi rasamgo gonyiinii katam kaswi jangpii, sateichii gonyiinii ahnyiigo ninado kakimei hang go kamathii katu kaga pyiikati njai jangpii, mei hangkanii Saraago tam matoi tangle.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

HEBRUMEI 10:24

Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

1 PITAR 3:1

Tei takumpii gonyii noumei, gonyii naamei kang nkanglo, katunii, kadapokii ahnyii kak kito mei kata hangninanii Saraa samtam tei malum suleponii,

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

1 TIMOTHI 5:25

Teitakumpii tha kabi hangtei ngoule, sateichii mangou mak kido kabaipeiwo lakle.

METIU 5:45

kadapokii mpounii kashyii- mei ninado kabimei phyiiryiikii mpou mah leimik tei vamatule; sateichii kasang kamajyiimei ninado kasang kamajyii tiikasumei phyiiryiikii sating ryiikai pyiile.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

1 TIMOTHI 2:10

Kanat kabi pwilesii tam kalei sapwimei jangpii ai ai tiimajyiile.

GALATIMEI 1:24

Sateichii ahnyiinii gu jangpii Saraago tam matoile.

TAITAS 3:4

Nlenii nyiigo keikapyiipii Bangpii Saraamah lung- syii kapyii ninado meigo lungkasyii tei gongpyii sek-kii,

1 KORENMEI 14:25

Ahmah kamakum lungswi tei laat kabam kamadu kikii poi mpat tangle, sateichii “Gonyii kak Saraa lei kasangle,” katupii mpounii nkwimangsii Saraago mata tangle.

LUKNII KARYII KABI RASAM JUKAMATI 11:2

Jisunii ahnyii dakii tamle, “Gonyiinii kariita kak, ai tamlo: He Pfii-o, go zei kamatei tei matulo. Gomah sating sazyii gong matulo.

METIU 9:8

Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

METIU 23:5

Ahnyiinii ahnyiimah tha katii hangtei meinii ngou matutang karam jangpii tiile, ahnyiimah saiphang ninado baitiikang gamkii kabi rasam mah gek ryiibamsii kaipoi kalei tiigyiireng tei julo, sateichii ahnyii hangtei kadaziikapii dipo! Sateichii pei kari tiimathangle,

METIU 6:16

“Sateichii gonyiinii malot karyii tinglang kak kabijai katiimei takumpiinii ju kashyii tei mangou sulo, kadapokii ahnyiinii malot ryii leile katu tei meinii ngou matutang karam jangpii ahnyiinii kamage mah ju tei mangou leile, ahnyiinii ahnyii mah lhang tei dou wotakle.

METIU 23:9

Sateichii sazyii pouryii aito meigo kado Pfii lat sulo; kadapokii gonyii pfiinii sating gamto kalei Ah tei roinale.

METIU 6:9

“Teipiinii gonyiinii aitiisii riitalo: ‘Sating gamto kalei nyii Pfii, Go zei kamatei tei matulo;