METIU 5:12 - KARANU KABI SAMTAM

¹² Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

METIU 5:12 Referans Kwoze

LUKNII KARYII KABI RASAM JUKAMATI 6:23

Teitinglang kak ntasii soklo, dapochiinii julo, sating gamto gonyii lhang dile; dapochiinii ai takumpii ahnyii peipao meinii Lungkakalingmei dakii tiitakle.

JEMS 1:2

Gu kangsanamei, gonyiida jai- kaju kataam kataam kagong tinglang kak gonyii ai doibilesii gonyii roinapii poi wolo.

KOLOSIMEI 3:24

Sateichii mpoumah mei jangpii mpounii kaidek kabam tei Abangpiinii gonyiigo alangh hang- ninii tiisii pyiitangle katu tei ma- ninglo. Kadapokii Krista tei nangnii nga ngakalei kasang apumpii teile.

1 PITAR 4:13

Nlenii Kristamah pumtei kava mati kamangou kak, gonyiinii kisii ntasii ranga tang karam jangpii, Kristanii kamage kalak kapungmah njai dou njoisii kalei gonyii ntalo.

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

ROMMEI 5:3

Sateichii airoinii makle, nlenii nyiimah kamage kalak hang kito ntale, kamage kalak teipii leh kati;

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

1 THESOLONIKAMEI 2:15

Jehu- dimeinii Bangpii Jisugo, lungkaka- lingmeigo gile, nyiigo baatoile, Saraa dzyii kashyii tei tiile, sateichii meihang go tiirampou pyiile;

PILIPIMEI 2:17

Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale.

2 KORENMEI 4:17

Kadapokii ai kacheng ninado shangniikii jangpii nyiinii doukalei kamage ainii nyiinii doukalei kamage ai sung disang dikisii nyii jangpii dikaki kalui kaga pumtei kava tei pung gongpyii tangle.

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

METIU 6:16

“Sateichii gonyiinii malot karyii tinglang kak kabijai katiimei takumpiinii ju kashyii tei mangou sulo, kadapokii ahnyiinii malot ryii leile katu tei meinii ngou matutang karam jangpii ahnyiinii kamage mah ju tei mangou leile, ahnyiinii ahnyii mah lhang tei dou wotakle.

1 KORENMEI 3:8

Ling kakamei ninado dwi kakajuimei tei masamle sateichii mei nsang nsangnii ahnii katii tha taiswisii ah mah pum- jangmai tei doutangle.

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

TIILAMLWI KAPYIIMEI THA JUKAMATI 16:25

Nlenii tinghum asumkii Pol nei Sailasnii Saraa dakii riitasii ninado lhii tiisii bamle;

LUKNII KARYII KABI RASAM JUKAMATI 13:34

“Lungkakalingmeigo kagi satei- chii gonyii dakii langkai kapyiimeigo kuitupii karot, Oh Jerosalem! Rui- pwinii mpou nahgo kashii kangkii gom kalei takumpiinii, Inii gonah meigo Kadaziikapii gompyii nyiisii leikido gonyiinii mazhii pyii makle.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.

HEBRUMEI 11:33

Ahnyiinii kamalum pai- kito sagong magongsii kalung sazyii hang go apum tiiwo takle, kasang kamajyii tha tiiwo takle, riishii tiikapyii doutakle, kou nongsa hang mah mwi makatneiwo takle,

JEMS 5:10

Kangsanamei, Bangpii zei kito katam lungkakaling- mei hang gotei maning gonglo. Ahnyii gotei kamage kalak kadou sateichii lung leh katimah nda tiikamangou hangninii tiisii poipyiilo.