Biblia Todo Logo
Bib sou entènèt

- Piblisite -




METIU 5:11 - KARANU KABI SAMTAM

11 “Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile.

Gade chapit la Kopi




METIU 5:11
32 Referans Kwoze  

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.


Sateichii meihangnii gonyiigo gu zei jangpii ngou routangle;


Meihangnii gonyiigo gu jangpii ngourou tangle, nlenii kalui katang leh kalumei teinii keikapyii tei doutangle.


“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.


“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!


Mpougo kalet kalou katii tinglang kak, kalet kalou katii teipii mpounii khekalat makle; mpounii kamage kalak kadou tinglang kak, mpounii tiimahing katu tiimakle, nlenii kasang kamajyii samtak katii Saraa gotei mpounii malumle.


Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.


Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.


Karing dousii kalei ah teinii teitei maga tangle sateichii gujangpiinii karing maga kalei ah teinii teitei doutangle.


Nangnii lung lehsii bamle, sateichii guzei jangpiinii lehsii bamle sateichii nangnii matoupyii aimakle katu Inii tile.


Sateichii guzei jangpii kihang mak-kii sanamei hang mak-kii taipwimeihang, mak-kii pwi-pfii mak-kii nahmei mak-kii lu hang kado toi kalei meihangnii tei njai mazhii-hai doutangle sateichii kalui kaga karing tei pyiitangle.


Mpoumah karing tei taiga tang karam nyii pum ki aito ngou matu tang karam jangpii, nyii tiilung mata tei Jisu jangpii katai mah sadoi kashyii kito nyiinii leihumle.


Nyiinii Krista jangpii kamang meile, nlenii gonyiinii Krista dato kasakai meile; nyiinii kasuile, nlenii gonyiinii kateimeile; gonyiinii tam kamatoi doule, nlenii nyiinii ju kashyii tei doule.


Aitiisii ryii kabam takumpii, “Gojangpii nyiigo tingna majang gitakle; gitang karam jaonah takumpiinii nyiigo poile.”


Nlenii matum madum ai pat kasunakii, ahnyiinii gonyiigo jumtangle, sateichii tiika- mage tangle, ahnyiinii gonyiigo Jehudimei Ndwiki nikii sateichii kabang kikii kaisii, gu zei jangpiinii Sagongmei ninado Governor doikii pangkhii tangle.


Kadapochii rangii keikanyiimei hangteinii teitei maga tangle: satei- chii gujangpii rangii maga kaleimei hangteinii teitei kei kalu doutangle.


Kadapokii mei kata kangkanii mpou mah karing keikanyiimei teinii karing tei maga tangle; sateichii mei kata kangkanii gujangpii sateichii kabi rasam jangpii mpou mah karing maga kaleimei hangteinii keikapyii tei doutangle.


Taikaswimei hangninanii mpougo Madhiikapyiipii sateichii ki kaleimei hangninanii mpou mah ki pumpii takum takle leponii lung mangtang karamle. Ki pumgpii gotei Belzabul sii lat takleponii, mpouki kalung teito kaleimei hang goteinii teisung kisii zei kashyii kashyii tei lat tangle!


Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”


“Gonyii rangtiisii sakai wolo; dapochiinii ahnyiinii gonyiigo jumsii samtak-ki pangkhii tangle; sateichii Jehudimei mah ndwibamni hang kito gonyiigo dat tangle, sateichii gonyii- nii gu jangpii sakchyii pyiimatu tang karam jangpii sazyii apum katiimei ninado sagongmei doito sat tangle.


Sateichii teiki ku tat kapat tat kaliitmei hangteinii phyii kangumsii, dzyii nuisii tamle,


sateichii ahnyii tei amaa gale, teipiinii sat mathang makle, kabi rasam jangpii ajai kaju mak-kii, tiikamage katu tinglang tei gong sek-kii ahnyiinii kousekle.


sateichii ahnyii doito ninado Lui kakimei doito sakchyii pyiimatu tang karam jangpii Governor mei ninado sagongmei hang doito gujangpiinii gonyiigo chyii karhiitat tangle.


Teito ahnyiinii mpougo n-gisanii tamle, “Nang mpoumah boumeile, nlenii nyiinii Moses mah boumeile.


Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.


Swiv nou:

Piblisite


Piblisite