METIU 4:24 - KARANU KABI SAMTAM

²⁴ Sateichii mpoumah zei katat tei Sairiya bamlyii hangki kahitu takle; sateichii ahnyiinii mpouda rakani- mei hang, ra katham kathampii goisii ninado tchiisii kalei, sara kashyiinii jum kalu, tai taipi katu, pumpei katai meihang go pang gong takle, sateichii mpounii ahnyiigo tii mbipyii takle.

METIU 4:24 Referans Kwoze

METIU 17:15

“Bangpii, gunah sapfii mpougo lungsyii pyiilo! Kadapokii mpou tai-taipi tusii hangkapii kamagesii bam takle, kadapokii mpou adwi amiki tak-takliitle;

METIU 8:6

“Bangpii, guki kaleipii tei pum-pei taisii zyii gamto zyiisii hangkapii kamagesii bam takle.”

LUKNII KARYII KABI RASAM JUKAMATI 5:15

Nlenii Jisu mah nha tei kisii kisii shiitu takle, teito shiitang karam jangpii sateichii ahnyii mah katii kanhii tei tii mbipyii matu tang karam jangpii meimoi kaswisii gongtakle.

LUKNII KARYII KABI RASAM JUKAMATI 2:2

Ai Meilui fii karei tinglang kaktei Koirinees katupiinii Sairiyia sazyii kito Gover- nor pung leile.

METIU 17:18

Sateichii Jisunii sara kashyii gotei n-gisii kakhatle, teito sara kashyii teinii nah sapfii mpou dateito tat pat-to takle sateichii nah sapfii mpou tei teisek-kii biwo takle.

METIU 15:22

Sateichii julo teiki sazyii baang teito Kainan mei pwi hangninii patsii saa takle, “Devit nah sapfii mpou, Oh Bangpii!” “N-gu lungsyii pyiilo; gunah sapwi mpeigo sara kashyiinii jum wosii hangkapii tiikamagesii bam takle.”

METIU 12:22

Teito sara kashyiinii kaswi kalei, mik kachet ninado lat kaga mei hangniniigo mpouda pang gong takle, Sateichii Jisunii mpougo tii mbipyii takle, lat kagapii teinii lat pat takle sateichii mik ngou wotakle.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 15:23

Sateichii aitiisii ryii wosii ahnyii bah kikii matat aitakle: “Nyii kangsanamei, tiilamlwi kapyiimei ninado kating- mei hangnii Antiyok, Sairiya ninado Silisiya kito kalei lui kakimei kangsanamei dakii salam tiileile.

MARK 2:3

Sateichii ahnyiinii mei hangninii pumpei kataimeigo mei madaipii kasisii Jisuda poiliitle.

MARK 1:32

Sateichii tingkhiilam leimik liit sek-kii, ra-kanimei hang go ninado sara kashyii kaswi kalei meigo Jisuda pang gongle.

METIU 4:23

Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

TIILAMLWI KAPYIIMEI THA JUKAMATI 15:41

Sateichii mpounii Charsh hang go tiisangting pyiisii Sairiya ninado Silisiya tat majusii tat tutakle.

LUKNII KARYII KABI RASAM JUKAMATI 4:14

Sateichii Jisunii Galili ki nlaigongle ninado Rangii kamatei mah teimaham tei mpougo kaswi leile, sateichii mpou mah tingha tei teiki sazyii bam hang kito tam kahitu takle.

MARK 1:28

Sateichii Galili pungbang hangki Jisu mah tang-ha tei kahitu takle.

METIU 14:1

Teitinglangki Sagong Herotnii Jisu mah nha tei shii wosii, mpouki kaleimei dakii tamle, “Jon dwi mpum kapyiipii tei aile,

JONNII KARYII KABI RASAM JUKAMATI 10:21

Kakimei hangteinii tamle, “Ai sara kashyii kaswi kaleimei mah samtam makle, sara kashyiinii mik kachetmei mah tii-mbipyii wobuipo?”

METIU 9:35

Sateichii Jisunii Ndwibam hang kiteito ralipyiisii, Sagong sazyii mah kabi rasam tam ralipyiisii, sateichii ara katchii hang tei tii- mbipyiisii nam ninado namdi hangki tat gong takle.

METIU 9:26

Sateichii teimah tingha tei bamlyii hangki shiigong takle.

METIU 8:28

Sateichii mpounii Gadara sa- zyiiki dwijai lugang tei gong sek-kii, roubam kito kapat sara kashyiinii chyiitat kalei mei hangnanii mpougo kadou wotakle. Ai mei hangna aigo hangkapiinii ngoukahing jangpii teiki pwidi tei mei kaniido tat hing takle.

METIU 8:33

Sateichii bak kakoimei teinii pakmaa namdi kitei liitsii, pat kalei hang ninado sara kashyiinii chyii- tatsii kalei mei mah kaang kito tam mangou takle.

MARK 2:4

Sateichii ahnyiinii meimoi kakto mpougo Jisuda poiliitpei kalak jangpiinii, mpounii kabam ki kapou asum tei ratoisii apum-pei kataipii gotei azyii gamkii mazyiisii kapouryii gamto m-mang takle.

MARK 2:9

‘Gokem kaleipyii takle’ katu mak-kii ‘gungtu gozyii poisii tat tulo,’ sii apum pei kataipii go tam tang karam tei kadapiinii mala buipo?

LUKNII KARYII KABI RASAM JUKAMATI 4:38

Sateichii mpounii Jehudimei mah ndwi ki teito tatpat tosii Simon ki kalung tei liit takle, sateichii Simon hnei tei riirhii mahungsii bamle, teito ahnyiinii mpoupei jangpii Jisudakii tamle,

LUKNII KARYII KABI RASAM JUKAMATI 5:24

Nlenii go- nyiinii meinah sapfii Mpou tei sazyii pouryiito kem kama hang magapyii kabui mah teimaham leile katu tei ti kabwi jangpii Inii gonyii dakii tiimangou tanglesii Mpounii Apum pei kataipii gotei tamle: Inii n-go tam leile, Gungtulo, gozyii tei poi matusii goki gongtulo.”

TIILAMLWI KAPYIIMEI THA JUKAMATI 8:7

Kadapokii kashyii rangii hangteinii rok sagoisii saasii tatpat totakle; sateichii pum pei taisii kaleimei mak-kii pi katwimei hang go tii mbipyii takle;

LUKNII KARYII KABI RASAM JUKAMATI 7:17

Sateichii mpou mah nha tei Judiya sazyii hangki ninado teiki sazyii kanamda namdi hangki tam kahitu takle.

TIILAMLWI KAPYIIMEI THA JUKAMATI 28:9

Sateichii aitii kaleitai, dwipii magui kalei sazyii teikito kabam rakani mei hangteiniido gongsii aratei tii mbiwo takle.