METIU 4:18 - KARANU KABI SAMTAM

¹⁸ Sateichii mpounii Galili dwijai liikuto tat kapi kak, Pitar sii kalat Simon ninado mpoutai-karhiipii Andru, ahnei sana hangna ai dwijai kito ralang rotsii kalei tei ngoutakle, kadapokii mpoupiina tei kaa ka- limeile.

METIU 4:18 Referans Kwoze

METIU 10:2

Tiilamlwi kapyii mei keariisiinakhii zei tei aile: Karei reisang kito Pitar sii kalat Simon, sateichii mpoutai karhiipii Andru, Zebedi nah sapfii mpou Jems ninado mpou taikarhiipii Jon,

LUKNII KARYII KABI RASAM JUKAMATI 6:14

ahnyii teinii: (mpounii Pitarsii kalat) Simon, sateichii mpoutai karhiipii Andru, Jems sateichii Jon, Filip sateichii Bartholomio,

METIU 16:18

Sateichii Inii godakii tam leile, Nang Pitar-le, sateichii kuitu kadi aiphyiiryiikii Inii gumah charsh tiimakhii tangle sateichii katai teinado teigotei ngamsang ngampei wolakle.

METIU 15:29

Sateichii Jisunii teibam kiteito tat pat tosii Galili dwijai liikuto tat tutakle sateichii mpounii zang gam tuwosii teikito bam wotakle.

JONNII KARYII KABI RASAM JUKAMATI 6:1

Aitai Jisunii Galili mah dwijai, Tiberiya dwijai, lugang khii takle.

JONNII KARYII KABI RASAM JUKAMATI 21:1

Aitaito Jisunii mpouroinapii mpougo boumei dakii Tiberiya mah dwijai kuto nlailoisii mangou- pyii takle, sateichii mpounii mpou roinapii mpougo aitiisii mangou- pyiile.

JONNII KARYII KABI RASAM JUKAMATI 6:8

Mpoumah boumei kak kito mei hangninii Saimon Pitar sanapii Andrunii mpou dakii tamle,

MARK 7:31

Jisunii Tair sazyii kiteito tatpatsii Sidon sazyii sum teito tatsii Dekapolis sazyii lungkoi sumteito Galili dwijai kadi kitei gongle.

METIU 4:19

Sateichii mpounii ahnyii dakii tamle, “Patlo, gutai swi wolo, Inii gonyiigo mei kanum mei tiimatu tangle.”