METIU 3:10 - KARANU KABI SAMTAM

¹⁰ Aitoidoruibang hang mah maa kikii aryii hoisii bamle, teijangpiinii riiti kabi mati kasu ruibang hang gotei bitoisii misumkii toikai tangle.

METIU 3:10 Referans Kwoze

JONNII KARYII KABI RASAM JUKAMATI 15:6

Mei kata hang- ninanii gudato taksupii lei suleponii, ahgo kha takumpii toido toile taido taiga tule; sateichii ahnyiinii teigo tei poi nkom wosii mi sumkii toikaisii rutoi leile.

LUKNII KARYII KABI RASAM JUKAMATI 3:9

Aitoido ruibang hangmah maa kikii aryii hoisii bamle, Teijangpiinii riiti kabi mati kasu ruibang hang gotei bitoisii mi sumkii toikai tangle.”

METIU 7:19

Riiti kabi mati kasu ruibang hang gotei bitoi aisii mi kikii toikai aitangle.

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

HEBRUMEI 6:8

Nlenii tu kapung sateichii rhiima pokpat lepo- nii, sazyii tei kadakle, sateichii ka- sheeng doutang karam natakle, teimah kalui teinii mipii rukatoi teile.

METIU 21:19

sateichii pwidi kuto kadhiitbang hangninii ngousii mpounii teiki katang tat patle, nlenii mah kado dousutakle, nhii roinii takle. Teito mpounii ruibang gotei tamle, “Nangnii ati matisang matiloi lakle,” teisek-kii kadhiitbang tei kiga takle.

LUKNII KARYII KABI RASAM JUKAMATI 23:31

Kadapochiinii ruibang madek leibangpiinii ai kakum hang ai ahnyiinii tiilepochiinii, ruibang taisii taang kalei tainii kadapei pat tangpo?”

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!