METIU 28:20 - KARANU KABI SAMTAM

²⁰ Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

METIU 28:20 Referans Kwoze

METIU 1:23

“Julo, ralhiipei kamatei pei teinii moi mpungsii, nah sapfiimei hangninii lung tangle, sateichii ah- nyiinii mpou zei tei Immanual lattangle” (teimah kaangnii, “Saraanii nyiigo kaswileile”).

METIU 18:20

Kadapokii gu zei kito hangna mak-kii hangtumnii ndwi kalei kitei Inii ahnyiigo kaswisii leile.”

MARK 16:20

Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

1 KORENMEI 14:37

Mei kata hangninanii mpou roinapiinii mpou ai Saraa sam saa ka-mpatmei hangninii lesii mak-kii rangiimah luha doukalumei hangniniilesii maning leponii, Inii gonyii dakii ryiikapyii hang ai Bangpii mah kakhatsamle katu tei ahnii timatulo.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

TIILAMLWI KAPYIIMEI THA JUKAMATI 2:42

Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

1 KORENMEI 11:2

Gonyiinii mahlyii hang kito n-gu maning kasei jangpii sateichii gonyii dakii Inii pyii kabam hangtei go- nyiinii tiigatpii ryiileile katu jangpii Inii gonyiigo tam matoile.

METIU 13:49

Sazyii pouryii kalui tinglang ki tei takum tangle. Sating gamlui hangnii gongsii kasang kamajyiimei kak kito kashyii kahongmeigo poitaam tangle.

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

2 PITAR 3:2

katunii, ndou kareiki lung- kakalingmeinii tam kabam ninado tiilamlwi kapyiimei mah paikito gonyii dakii pyiikabam Bangpii ninado nyiigo keikapyiipiimah kakhatsam tei gonyiinii maningloi matu tang karam jangpiile.

TIILAMLWI KAPYIIMEI THA JUKAMATI 20:27

Kadaponii Saraa mah kamaning hang kito gonyii dakii tam ka-mpat kito Inii nkhiimakle.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

1 KORENMEI 11:23

Kadapokii Inii gonyii dakii kapyii tei Inii Bangpii dato doule. Kadapokii Bangpii Jisunii, mpougo schoi choikai kalei tinghum tei,

METIU 24:3

Jisunii Olip zang gamto bam kalei kak, Boumei teinii makumpii gong n-nhiile, “Aihang ai kadadou pat tangpo, sateichii gomah kagong ninado sazyii pouryii kalui mah tiikamangou siiti tei kadapei tangpo?” nyiidakii tam pyiilo.