METIU 26:40 - KARANU KABI SAMTAM

⁴⁰ Teito mpounii boumei datei nlai kagong tinglang kak, ahnyiinii zyiisii kalei tei doutakle; sateichii mpounii Pitar dakii tamle, “Gonyii n-gu kaswisii pung hangninii aitiisii mik raksii bampei wolak takpo?

METIU 26:40 Referans Kwoze

MARK 14:37

Teito mpounii nlaigongle, ninado mpouboumei hangtum tei zyiisii kalei tei ngoutakle, teito mpounii Pitar dakii tamle, “Simon, nang zyiitu takpo? Gonyii n-gu kaswisii pungkado mik raksii bampei lak takde?

LUKNII KARYII KABI RASAM JUKAMATI 22:45

Sateichii kariita kiteito mpou- nii gungtu sat tosii, mpounii mpou boumeida kapat kak, ahnyii tei swi kamagesii zyiisii kabam tei ngou wosii,

METIU 26:43

Sateichii mpounii nlaigongle sateichii ahnyii- nii zyiikalei tei doutakle, kadapokii ahnyii mik tei masui takle.

LUKNII KARYII KABI RASAM JUKAMATI 9:32

Pitar ninado mpougo kaswi kaleimei tei tiigatpii zyiitu takle. Nlenii ahnyiinii gungtu siinii Jisu mah Pumtei kava sateichii mei hangnanii mpougo kaswisii sat kalei tei ngoutakle.

METIU 26:35

Pitar-nii mpou dakii tamle, “Inii n-go kaswisii taitang karam pat tuchiido Inii n-go mazhii kasu tei tiisang tiilakle,” sateichii boumei hang teiniido tei takumpii njoisii tam takle.

METIU 26:38

Teito mpounii ahnyii dakii tamle, “I lung kamage katupii taine leitakle, aikito bamlo sateichii n-gu kaswisii mik raksii koilo.”

METIU 25:5

Nou tiitang karam sapfii mpou tei gong kari taiswisii, ahnyii hangtei zyiinasii zyiitutakle.

METIU 26:41

Gonyiinii kahemki liit kasu tiisii mik raklo sateichii riitalo; rangiinii mazhiinyiile, nlenii pumzainii suile.”