METIU 26:18 - KARANU KABI SAMTAM

¹⁸ Mpounii tamle, “Namdi lungki mei hangninii datei tat liitsii, madhiikapyiipiinii tam leile, gumah tinglang tei gong takle, Inii gumah boumeigo kaswisii kaakamaju mah takbai tei gokito hang-ngi tanglesii tamlo.”

METIU 26:18 Referans Kwoze

JONNII KARYII KABI RASAM JUKAMATI 7:6

Teijangpii Jisunii ahnyii dakii tamle, “Gujangpiinii tinglang tei gongmakle rei, nlenii gonyii mah taksupii kamazhii leile.

JONNII KARYII KABI RASAM JUKAMATI 17:1

Jisunii samhang ai tam sek-kii, Mpounii sating gamkii rajang matusii tamle, “Pfii-o, ting- lang tei gongtakle; nah sapfii mpou teinii n-go pumtei kava tei pyii matutang karam jangpii gonah sapfii mpougo pumtei kava tei pyiilo.

JONNII KARYII KABI RASAM JUKAMATI 13:1

Aitoinii kaakamaju mah takbai doi tei, Jisunii sazyii pouryii ai toisii tat tutang karam tinglang tei gongtakle katu titakle. Sazyii pouryiito kalei mpoumah sek katu meihang gotei sating kata mpounii lungsyiile sateichii mpounii ahnyiigo nlai katang tei lungsyiile.

JONNII KARYII KABI RASAM JUKAMATI 7:30

Teijangpii ahnyiinii mpougo jumtang karam jangpii fiitutakle sa- teichii mei kaniido mpou phyiiryiikii bah kai makle, dapochiinii mpoumah tinglang tei gongmakle rei.

JONNII KARYII KABI RASAM JUKAMATI 7:8

Gonyiinii takbai kitei tat tulo, Inii takbai kitei aitoi manglakle, kadaponii gumah tinglang tei gongmakle.”

JONNII KARYII KABI RASAM JUKAMATI 12:23

Jisunii mpoupiinago khekalatle, “Meinah sapfii mpou teinii pumtei kava kadi doutang karam tinglang tei gongtakle.

LUKNII KARYII KABI RASAM JUKAMATI 22:53

Inii gonyiigo Saraa Kamaning kilungto sating kata kaswisii kabam tinglang kak teinii gonyiinii gu gamkii bah kai- makle. Nlenii ai-ai gonyiinii tiitang karam tinglang ninado kamyii mah pumtei katii tinglangle.”

JONNII KARYII KABI RASAM JUKAMATI 11:28

Mpoupeinii ai tam aisek-kii, mpoupeinii mangsanii Merigo ma- kumpii lat tosii, “Madhiikapyiipii tei aiki leile, ninado n-go lat leile,” sii tam takle.

MARK 5:35

Jisunii ai tamleibangpii, Jairus kito sam kapungmei gongsii tamle, “Gonah sapwi mpei tei taitakle. Dajangpii Madhiikapyiipiigo tiika- mageloi tangpo?”

METIU 26:2

“Leimik hangnatai kaakamaju mah takbai tei gonglei takle, sateichii meinah sapfii mpou gotei Krosh gamkii dhangsii gitang karam jangpiinii pyiitoi aitang takle katu gonyiinii tile.”

METIU 23:10

Gonyii gonii Pumpii lat matu sulo, kadapokii gonyii mah Pumpii teinii Krista tei roinale.

METIU 23:8

Nlenii Rabbi lat lak tang karamle, kadapokii gonyii mah madhiikapyiipiinii hangninii roiniile, sateichii gonyiihangnii sanameile.

METIU 21:3

Sa- teichii mei kata hangninanii goneigo sam kata tam leponii, Abangpiinii ahnyiigo mareile, sii goneinii tam tangle, sateichii ahnii ahnyiigo manoisek-kii tat matutangle.

JONNII KARYII KABI RASAM JUKAMATI 20:16

Jisunii mpoupei dakii tamle, “Meri” mpoupeinii nryiigong mpou dakii Hebru latpii tamle, “Rabboni!” (Katunii Madhiikapyiipii katu gole.)

METIU 26:49

Sateichii mpounii Jisuda tat majyiitok pisii tamle, “Kamajung tei gudato lei matulo Pumpii!” Sii tamsii mpounii Jisugo matwum takle.

METIU 26:19

Sateichii Jisunii ahnyiigo katam takumpiinii boumei teinii tiiwo takle, sateichii kaakamaju mah takbai tei tiikada wotakle.