METIU 25:34 - KARANU KABI SAMTAM

³⁴ Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

METIU 25:34 Referans Kwoze

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

MATIMANGOU KAPYII 21:7

Ngam kalumei hangteinii aihang ai doutangle, sateichii Inii ahmah Saraa ninado ahnii gunah sapfii mpou tei tiitangle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

METIU 20:23

Mpounii ahnyii dakii tamle, “Gonyiinii gumah peek tei saknii sak tangle, nlenii gubah ajiilamto ninado gubah abilamto bam tang karam teinii, Inii pyiitang karam mah makle, nlenii ainii gu pfiinii mbam tang karam jangpii tiikadakai kabam mei jangpiiniile.”

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

HEBRUMEI 4:3

Kadapokii malum kalumeinii ka-ntak nitei liitle, mpounii tam kabam takumpii, katunii, Inii rakarhii kito riishii tiikabam takumpii, “Ahnyiinii gumah ka-ntak nitei liitsang liit lakle,” mpoumah tha hangtei sazyii pouryii tii mpat saroisekto lui aikado,

LUKNII KARYII KABI RASAM JUKAMATI 12:32

“Hing sulo, Jaonah kachengmei! Kadapochiinii gonyii dakii sating sazyii pyii katu tei gonyii Pfiinii kamarei teile.

HEBRUMEI 11:16

Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

1 KORENMEI 15:50

Inii gonyii dakii ai ai tam leile; kangsanamei: kangzai rou pungsii Saraamah sating sazyii kitei liitpeiwo lakle, sateichii gatu kabui teipiinii gatu kalaktei doupei wolakle.

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

MATIMANGOU KAPYII 19:16

Sateichii Ahmah peijou kathang kiteikii ninado ahmah liikang gam teikii, “Sagong- mei hangmah sagong, ninado Abangmei hangmah Bangpii,” sii ryii kabam zei ai leile.

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

METIU 19:29

Sateichii guzei jangpii kihang mak-kii sanamei hang mak-kii taipwimeihang, mak-kii pwi-pfii mak-kii nahmei mak-kii lu hang kado toi kalei meihangnii tei njai mazhii-hai doutangle sateichii kalui kaga karing tei pyiitangle.

METIU 13:35

Ai ai Lungkakalingmei nii tam kabam tei gong matwi matutang karam jangpiile, katunii, “Inii gu mwi n-gapatsii ndasampii tam tangle, sazyii pouryii tii-mpat kalu sekto kabai kabam hangtei Inii tam mpat tangle.”

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

GALATIMEI 5:21

kabigo kathairou katu, jou sak kapiinhii, jou sakmaga katu sateichii tei kakum njoi tha tiisii kaleimei hang teinii, Saraamah sating sazyii tei doulak lesii Inii gonyiigo asungto kakhatsii katam takumpii Inii gonyiigo kakhatsii tam leile.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

LUKNII KARYII KABI RASAM JUKAMATI 19:38

“Bangpii zei kito gong kalei sagong tei doibile! sating gamto kamajung teilo, sateichii sagoi kaki pumtei kava teilo!”

METIU 5:19

Teipiinii mei kata kangkanii ka- khatsam aihang ki aito ahang mangto kacheng chengsang hangniniigo tii- paksii meigo teitakumpii ralikapyii ahgotei sating gam sazyii kito ahgo hang mangto kacheng chengsang lat tangle; nlenii kata kangkanii katam swisii tam ralipyii leponii ahgo sating gam sazyii kito kadi lat tangle.

METIU 3:2

“Lungkali wolo, daponii sating gam sazyii tei natakle.”

MATIMANGOU KAPYII 5:10

Sateichii ahnyiigo kanat kajum atingmeimah sagong sazyii hangninii tiipyii takle, nyiimah Saraamah nga ngamatu tang karam jangpii, sateichii ahnyiinii sazyii pouryiito apum tiitangle.”

1 PITAR 1:9

Gonyiinii hangkapii nta rangale, dapokii gonyiinii Jisu Kristago kamalum kito doukalu, kei- kapyii karing tei gonyiigo pyiitakle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

TIILAMLWI KAPYIIMEI THA JUKAMATI 15:18

karei kito sam hang ai mati kapyii Bangpiinii tamle.’

TIILAMLWI KAPYIIMEI THA JUKAMATI 3:26

Sateichii teijangpii Saraanii Mpouki kaleipiigo kalai takle ninado karei kito mpougo gonyii dakii lang m-mangpyii takle, gonyii mah kem pwidi hang kito tat nrek matusii satoi pyiitang karam jangpii.”

JONNII KARYII KABI RASAM JUKAMATI 19:15

Ahnyiinii rok sagoisii saale, “Mpougo gi ailo, mpougo gi ailo, mpougo krosh gamkii gi ailo!” “Gonyii mah sagong go Inii krosh gamkii gitangpo?” Kanat kajum tingdimei hangteinii tamle, “Kaisar supii nyiimah sagong kaki gale.”

JONNII KARYII KABI RASAM JUKAMATI 12:13

Teijangpii ah- nyiinii kananhii tei poisanii mpougo kadoutang karam jangpii gongsii saasii tamle, “Hosanna! Bangpii zei kito gongkalei mpou ai sadoi bile. Isrel ki sagong go Saraanii satoi pyiile!”

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

LUKNII KARYII KABI RASAM JUKAMATI 11:28

Nlenii Jisunii tamle, “Nle, teitii kido Saraa mah samtam tei shii wosii swikalu mei teinii doibile!”

MARK 10:40

nlenii gobah ajiilamto ninado gubah abilamto mbam tang karam jangpii kalai tang karam ai gu tei gale; nlenii teiteinii tiida kabam mei jangpiile.”

METIU 27:37

Sateichii mpoumah phyiibung phyiiryiikii mpougo tam kamashyii sam ryiikabam kamati tei ahnyiinii kaipyii takle: “Ai ai Jehudimei mah sagong Jisu teile.”

METIU 25:23

Mpou mah Pumpii teinii mpou dakii tamle, ‘hangkapii bitakle, Kabi ninado malum kabui kikaleipii, nangnii mah kacheng phyiiryiito malum kabui tha tiikabam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

METIU 21:5

“Zion kito kalei ralhiimeinah dakii tam pyiilo, Julo, gonyii mah sagong tei gonyiida gong leile! Mpounii lung sanale ninado takoi gam tong leile, sateichii takoi nah gamto gong leile.”

IPISAMEI 5:5

Gonyiinii ai tigat tolo, katunii kashyii kahong tha katiimei, matei kasu, mak-kii lukanyii... (kadapokii lukanyii ai tingtugo kariita hang- niniile) mei teinii Saraamah ninado Kristamah sagong sazyii kiteito njai dousang doulakle.

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

MARK 10:17

Sateichii mpounii tat kapat tinglangki, mei hangninanii mpou doi pakpi kok-kumsii mpougo n-nhiile, “Kabi Madhiikapyiipii, Kalui kaga karing doutang karam jangpii Inii dapei tiitangpo?”

LUKNII KARYII KABI RASAM JUKAMATI 11:50

katunii Abel mah zai sekto, rakuibam sateichii kamatei bam kak kito gitoi kalei Zakaria mah zai katang,

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.