METIU 24:31 - KARANU KABI SAMTAM

³¹ Sateichii mpounii mpou mah sating gamlui hang go kachem kong kalei roktei kaswisii lang mpat tangle sateichii ahnyiinii mpoumah kalei kalumei hang go sating nlai hangninii kito nlai hangninii katang saka madaito poi ndwi tangle.

METIU 24:31 Referans Kwoze

1 THESOLONIKAMEI 4:16

Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

MARK 13:27

Teito mpounii Sating gamluigo lang mpat tangle, sazyii nlai sekto sating nlai katang, siika madaito mpounii kalai kalumei hang gotei poi ndwi tangle.

1 KORENMEI 15:52

Nlenii binasek-kii, mik hiit binakii, kalui buika kongsekchii, nyiihang go tiikalipyii tangle. Kadapokii buika tei kong tangle, sateichii nyiigo gatu kalak tiisii ring matu tangle.

METIU 13:41

Meinah sapfii mpou teinii mpou mah Sating gamlui lang m- mangsii meigo kem kikii chyiikakai mei sateichii kashyii kahong tha katiimei hang go mpoumah sagong sazyii kito poi ndwi wosii ahnyiigo mibam kikii toikai tangle.

2 THESOLONIKAMEI 2:1

Aitoinii kangsanamei, nyii Bangpii Jisu Krista gong tang karam ninado nyiinii mpougo kadoutang karam jangpii, gong ndwi tang karam jangpii, nyiinii gonyiigo khangleile,

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

JONNII KARYII KABI RASAM JUKAMATI 11:52

Sateichii lui hang jangpii roinii supiinii, marou maruksii kalei Saraa mah nahmei hang go mpounii hangninii tiisii poido poi nkom tang karam jangpii- niile katupii mpounii teipiikum tei kanat kajum Tingditupii tiisii, mpounii Saraa sam saa mpatle.

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

MATIMANGOU KAPYII 7:1

Aitaito sazyii pouryiito dwijai kito mak-kii ruibang hang phyiiryiito tingkai teinii mah kado gwimatu kasu tiisii, sating gamlui madainii sazyii pouryii ska madaito satsii sazyii pouryiimah tingkai tei jum kaleiloisii kalei tei Inii ngoutakle.

MATIMANGOU KAPYII 8:2

Teito Saraa doito sat kalei sating gamlui sana ninado ahnyii dakii kachem sana pyii katu tei Inii ngoutakle.

ROMMEI 10:18

Nlenii Inii n-nhiile, ahnyiinii shiitak makpo? Nle, kasangpii shiitakle; kadapokii “Ahnyiimah roktei sazyii hangki gong tang wotakle, sateichii ahnyiimah samtam tei sazyii pouryii nlai katang tei gongtangwo takle.”

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

METIU 24:22

Sateichii tei tinglang leimik tei tiimadui suleponii, meigo kado keipyii wolakle, nlenii kalai kalumei jangpii tinglang leimik tei tiimadui tangle.

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

MATIMANGOU KAPYII 1:20

Gubah ajiilamto nangnii ngou kalu sageiti sana ninado sona mah thaomi kadungpii sanamah kamakum sam teinii: Sageiti sana teinii Charsh sanamah sating gamlui hang teile, sateichii thaomi kadungpii sana teinii charsh sana teile.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

METIU 24:32

“Gonyiinii kadhiitbang kito nda hangninii rali wolo, ah mah boi karanu boisii nhii madek tusek-kii, salum tinglang natakle katu gonyii- nii tile,

HEBRUMEI 12:19

kachem mah rok ki, ninado samtam mah rok ki gonyii- nii manang gongmakle, roktei shii kalumei hangnii nlai loisii samkang hangninii kado tam matulak tang karam jangpii khangtakle.