METIU 24:14 - KARANU KABI SAMTAM

¹⁴ Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

METIU 24:14 Referans Kwoze

MATIMANGOU KAPYII 14:6

Teito sazyii pouryiito lungkalei hang dakii, lui, sadung ninado lat sateichii meihang dakii tam mpat tang karam jangpii, kalui kaga kabi rasam kaswi kalei sating gamlui hangninanii Sating gamto jungkalei tei Inii ngoutakle;

ROMMEI 10:18

Nlenii Inii n-nhiile, ahnyiinii shiitak makpo? Nle, kasangpii shiitakle; kadapokii “Ahnyiimah roktei sazyii hangki gong tang wotakle, sateichii ahnyiimah samtam tei sazyii pouryii nlai katang tei gongtangwo takle.”

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

METIU 10:7

Sateichii gonyiinii katat kak ‘Sating gam sazyii tei natakle’ sii tam ralipyiilo,

METIU 9:35

Sateichii Jisunii Ndwibam hang kiteito ralipyiisii, Sagong sazyii mah kabi rasam tam ralipyiisii, sateichii ara katchii hang tei tii- mbipyiisii nam ninado namdi hangki tat gong takle.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

METIU 24:6

Gonyiinii saryii koi sateichii saryii mah sampao shiigong tangle; nlenii gonyii lung kamage sulo, kada- pokii aihang ai pat tang karamle, nlenii kalui tei makle.

METIU 4:23

Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

TIILAMLWI KAPYIIMEI THA JUKAMATI 17:6

Sateichii ahnyiinii ahnyiigo dousu sek-kii, Jason ninado kangsanamei kangkiigo namdi mah apum katiimei doikii pang gongsii saale, “Sazyii pouryiigo poi makum poimachyii ka- tumei ainii bam aiki aido gongtakle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

TIILAMLWI KAPYIIMEI THA JUKAMATI 20:25

Sateichii aitoinii, julo, gonyii kak kito Inii Saraa mah sating sazyii rasam tam ralipyiisii tatsii leile, nlenii gonyiihangnii guju nlailoisii ngoulak takle katu ai Inii tile.

METIU 24:3

Jisunii Olip zang gamto bam kalei kak, Boumei teinii makumpii gong n-nhiile, “Aihang ai kadadou pat tangpo, sateichii gomah kagong ninado sazyii pouryii kalui mah tiikamangou siiti tei kadapei tangpo?” nyiidakii tam pyiilo.

MATIMANGOU KAPYII 16:14

Ahnyii teinii sung kaga tha hang tiisii kalei sara ka- shyiimah rangiihang teile. Ai rangii hangtum ainii ahnyiihang go Saraa kadimah leimik kadipiinei saryii tiitang karam jangpii poi nkom tang karam jangpii sazyii pouryiimah sagong hangda tatpatle.

LUKNII KARYII KABI RASAM JUKAMATI 4:5

Sateichii sara kashyii teinii mpougo kasagoi gam pangkhii, sazyii pouryii sagong hang mah sazyii hangtei mpougo mik hiitkii kikii mangou takle.

TIILAMLWI KAPYIIMEI THA JUKAMATI 1:2

Mpougo pangkhii katu piinei leimik katang tei mpounii tha tiikahou sateichii ralipyii hou katu hang mah kaang kitole.

TIILAMLWI KAPYIIMEI THA JUKAMATI 11:28

Sateichii ahnyii kak kito zei Agaba sii kalat mei hangninanii gungtu sat tosii, sazyii pouryii bamlyii hang kito tak kating gongtang takle katu tei rangii paikito tam mpat takle; sateichii ai ai Klodius haki aitiisii pat takle.

METIU 18:19

“Nlailoisii Inii gonyii dakii tam leile: Sazyii pouryiito gonyii kak kito mei hangnanii mah kata hangninii khang tang karam teimah kaang kito lungswi nja woleponii, sating gamto kalei gu pfiinii ahnyiigo teitei tiipyii tangle.

LUKNII KARYII KABI RASAM JUKAMATI 2:1

Teitinglang dou aitiisii pat takle; sazyii pouryiimei hangmah meilui fiilosii sagong Kaisor Agastas dato mwija pat takle.

MARK 13:10

Sateichii lui hangda kabi rasam tei reipii tam ai tangle,

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

TIILAMLWI KAPYIIMEI THA JUKAMATI 19:27

Sateichii nyiimah atha zei katat nkhiimangtu tangle katu roisupiinii, Asiya ninado sazyii pouryii hangnii mata kalei sara kadi Artimis mah sara kama- ning ki godo tiikadak aitangle ninado mpoumah ngoukabi kiteito tii-nkhii aitangle katu mah sadoi kashyii tei leile.”

HEBRUMEI 1:6

Sateichii Saraanii lungkarei mpounah sapfii mpougo sazyii pouryiikii lang m-mang katu kak, mpounii tamle, “Saraamah sating gamlui hangnii mpougo mata tang karamle.”

HEBRUMEI 2:5

Kadapokii nyiinii riishii kalei gong tang karam kasatai sazyii pouryii tei Saraanii sating gamlui kang nkang matu makle.