METIU 23:8 - KARANU KABI SAMTAM

⁸ Nlenii Rabbi lat lak tang karamle, kadapokii gonyii mah madhiikapyiipiinii hangninii roiniile, sateichii gonyiihangnii sanameile.

METIU 23:8 Referans Kwoze

JEMS 3:1

Gu kangsanamei, madhiikapyii- mei nyiinii kisii kamaswi samtak katii tei doutangle katu tei tisii, gonyii mei hangkanii madhiikapyiimei tiilak tang karamle.

1 PITAR 5:3

sateichii gonyii dakii julosii pyiikabam teihang phyiiryii teito apum katiimei takum supii, jaokoimah tiikamangou nda tei gonyii tiipyiilo.

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

METIU 23:10

Gonyii gonii Pumpii lat matu sulo, kadapokii gonyii mah Pumpii teinii Krista tei roinale.

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 22:9

Nlenii Ahnii gudakii tamle, “Nangnii teitei tiilak tang karamle! Inii n-go go kang- sanamei lungkakalingmei hang go ninado larek aimah samkang hang go swisii kaleimei hang go njoi katu kikaleimei hangniniile, Saraago matalo.”

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

IPISAMEI 3:15

pfii doi teito Inii kok kumsii khangleile,

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

2 KORENMEI 1:24

Nyiinii gonyiimah kamalum phyiiryiito apum tiitang karam jangpiinii makle, nlenii gonyiigo nta matu tang karam jangpii nyiinii gonyiigo kaswisii tha tiileile. Kadapokii gonyiinii kamalum kito sangtingsii satsii leile.

METIU 26:49

Sateichii mpounii Jisuda tat majyiitok pisii tamle, “Kamajung tei gudato lei matulo Pumpii!” Sii tamsii mpounii Jisugo matwum takle.

METIU 10:25

Taikaswimei hangninanii mpougo Madhiikapyiipii sateichii ki kaleimei hangninanii mpou mah ki pumpii takum takle leponii lung mangtang karamle. Ki pumgpii gotei Belzabul sii lat takleponii, mpouki kalung teito kaleimei hang goteinii teisung kisii zei kashyii kashyii tei lat tangle!

METIU 23:7

Sa- teichii salikijangto meinii salam kapyii ninado meinii ‘Rabbi’ sii kalat tei mareile.

METIU 26:25

Mpougo schoi-choikakaipii Judas teinii tamle, “I-de madhii- kapyiipii!” Jisunii mpou dakii tamle, “Nangnii tam mpat takle.”

MARK 9:5

Sateichii pitar-nii Jisuda tamle, “Madhiikapyiipii, nyiinii aiki kabam ai bitakle; nyiinii dwipeiki hangtum, gojangpii hangninii, Moses jangpii hangninii sateichii Ilaijah jangpii hangninii tiile.”

MARK 10:51

Sateichii Jisunii mpouda tamle, “Inii gojangpii kadapei tiikapyii mareipo?” Teito mik kachetpii teinii tamle. “Madhiikapyiipii, go-mik ngou matulo.”

MARK 11:21

teito Pitarnii pat kalei tei maning gongsii Jisuda tamle, “Madhiikapyiipii, julo, nangnii sheeng kalei kadiitbang tei tai takle.”

MARK 14:45

Judas teinii gong sek-kii, mpounii Jiusda tatpi, “Madhiika- pyiipii!” sii tamsii mpougo matwum takle.

JONNII KARYII KABI RASAM JUKAMATI 1:38

Teito Jisunii nryiigongsii, ahnyiinii taiswi kalei tei ngou wosek-kii ahnyii dakii tamle, “Gonyiinii dapei fiileipo?” Teito ahnyiinii mpou dakii tamle, “Rabbi” (katunii Madhiikapyiipii) “Nang daki lungleipo?”

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

JONNII KARYII KABI RASAM JUKAMATI 3:26

Sateichii ahnyiinii Jonda gongsii mpou dakii tamle, “Rabbi, (Katunii Madhiikapyiipii) leimik kapatlam Jordan kiteito n-go kaswisii kalei, mpoumah kaang kito nangnii sak- chyii pyiikalei sapfii mpoutei, julo, mpounii dwi mpum pyiisii leitakle ninado meihangnii mpouda gongsii leitakle.”

JONNII KARYII KABI RASAM JUKAMATI 4:31

Teitinglang aikak kitei boumei- nii mpou dakii tamle, “Rabbi, mah chii wolo!”

JONNII KARYII KABI RASAM JUKAMATI 6:25

Ahnyiinii mpougo dwijai lugangkii dou wosek-kii, ahnyiinii mpougo tamle, “Rabbi, (Katunii Madhiikapyiipii) nang aiki kadadou gongpo?”

JONNII KARYII KABI RASAM JUKAMATI 9:2

Mpou boumeinii mpou dato n-nhiile, “Madhiikapyiipii, sapfii mpou ainii mik chetsii lung m-mang katu ai, tanii kem tii aipo? Ai ai mpounii manii mpou pwi mpou pfiiniipo?”

JONNII KARYII KABI RASAM JUKAMATI 11:8

Boumei teinii mpou dakii tamle, “Rabbi, (Katunii madhiikapyiipii) nlenii Jehudimeinii n-go kuitupii rotlesii aitoinii fiilei takle, nang teiki gongloi leziipo?”

JONNII KARYII KABI RASAM JUKAMATI 20:16

Jisunii mpoupei dakii tamle, “Meri” mpoupeinii nryiigong mpou dakii Hebru latpii tamle, “Rabboni!” (Katunii Madhiikapyiipii katu gole.)

PHILIMON 1:16

Aitoinii kikaleimei hangninii takumloi supii- nii, kikaleimei sung kaki lungkasyii kangsanapii hangninii tiisii routiisii gudato, nlenii godatonii pumzai kitodo, Bangpii zai kitodo, kadazii- kapii kisii lungkasyii tei tiitakpo.