METIU 23:26 - KARANU KABI SAMTAM

²⁶ Mik kachet Farasismei gonyii! peek kok mah poulam teido matei kabui jangpii, karei reisang kito lung lamtei tiimatei ailo.

METIU 23:26 Referans Kwoze

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

METIU 12:33

“Ruibang teinii bileponii ahmah ti tei bitangle, ruibang teinii shyiileponii ti tei shyii tangle. Kadapokii ruibang tei ah mah ti teipiinii ti wobuile.

LUKNII KARYII KABI RASAM JUKAMATI 6:45

Mei kabimei teinii kabi tei poi mpatle, mpou lung kito kalei kabi tei, sateichii kashyiimei teinii kashyii poi mpatle, mpou lung kito kalei kashyii tei, kadapokii lungto tokryiisii kalei hangtei mwinii tam mpat leile.

METIU 14:8

Teito mpou pwinii ralikapyii teitei swisii mpoupeinii tam takle, “Jon dwi mpum kapyiipii mah phyii- bung tei kok hangninii kikii kaiwosii, aikito ninado aitoi n-gu pyiilo.”

MARK 7:4

sateichii ahnyiinii salikijangto nlai gongchii, reipii dwi n-goi matei kasuta ahnyiinii mah chiilei makle; teiroi supii kaki kaki jai hangkado ahnyiinii swileile, tei teinii: peek, lee, sagyiikok koklat, ninado zyii shyii kamatei aile.

LUKNII KARYII KABI RASAM JUKAMATI 11:39

Teijangpiinii Jisunii mpou dakii tamle, “Aitoi kabijai katiimei- nanii peek, kokpou tei shyii mateile. Nlenii gonyii lungtonii kathaam karaampii sateichii kashyiipiinii tokryiile.