METIU 23:15 - KARANU KABI SAMTAM

¹⁵ “Kabijai katiimei, Ajai ting- shang kati ojamei ninado Farasismei gonyii, kadaziikapii kamage tangpo! Kadapokii gonyiinii dwijai ninado sazyii katang hangki tatsii tatsanii meihangninii go gonyii kak ki hai matutang karam jangpii hemle, sateichii gonyiinii ah go ngam wosek-kii gonyiinii ahgo gonyii takumpii mibam ki liit kamajyiimei tiipyiile.

METIU 23:15 Referans Kwoze

IPISAMEI 2:3

Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

TIILAMLWI KAPYIIMEI THA JUKAMATI 14:2

Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

GALATIMEI 6:12

Pumpou lamto kabi tei tiigatpii mangou kanyiimei hang- teinii gonyiigo tiigyii malem matu tang karam jangpii pumtei tiisii leile, Krista mah krosh jangpii ahnyiigo kaset kalak pyii matulak tang karam jangpii roiniile.

GALATIMEI 4:17

Mei kakimei teinii gonyiigo hangkapii lungkaring tei mangousii leile, nlenii ahnyii lungswi teinii bimakle, ahnyiinii kamarei teinii kadapeipokii gudato gonyii aigo paitam tang karam aile kadaponii ahnyiinii gonyiigo lungkaring kabam takumpii ahnyii lungto kalei lungkaring tei gonyiiniido bam matu tang karam jangpiile.

METIU 5:22

Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

TIILAMLWI KAPYIIMEI THA JUKAMATI 17:13

Nlenii Thesolonika kito kalei Jehudimei teinii Polnii Beriya ki kado Saraa mah kabi rasam ai tam ralipyii takle katu tei tiwosek-kii, ahnyiinii gong sanii teiki todo meihang go tiirampou pyiisii sam kamoi tii mpatle.

TIILAMLWI KAPYIIMEI THA JUKAMATI 14:19

Nlenii Antiyok ninado Ikoniam kito Jehudimei hangteinii teiki tei gongtakle; sateichii ahnyiinii mei- hang go katwikai pyiisanii, Polgo kuitupii rotsii, mpou taitakle katupii maningsii namdi kiteito sabakii mpougo chyiipat toi aitakle.

TIILAMLWI KAPYIIMEI THA JUKAMATI 2:10

Prigiya ninado Pamphaliya, Izip sateichii Sairen ki Libiya pungbang kitole, nyiikak kito mei kangkanii Rom kito gongle.

TIILAMLWI KAPYIIMEI THA JUKAMATI 6:5

Teito ahnyiinii katam sam teipiinii meihang lungtei tiisamou pyiitakle, sateichii ahnyiinii kamalum ninado rangii kamateipii tokryiisii kalei sapfii mpou Stifan sii kalat ninado Filip, Prokorus, Nikanor, Timor, Parminas, ninado Antiyok ki Jehudimei mah kanat kanhii kajum- pii Nikolous, ahnyii aigo kalai mpat tosii,

METIU 5:29

Sateichii gomah mik ajiilam pang teinii n-go kem kikii chyiikaisii leileponii, mik tei lat-mpatsii toi ailo, kadapokii go pumpot hang mibamki liit matu katu sungnii go pumpot mah njai hangninii maga kalei teinii gojangpii bibwile.

METIU 3:7

Nlenii Farasismei ninado Sadhu- mei hangteinii dwi mpum tang karam jangpii gong kalei tei ngou wosii mpounii ahnyii dakii tamle, “He sanhii taa-nahmei, gongtang karam rakarhii kiteito nlek wolosii gonyii dakii tanii ralipyiipo?

METIU 23:13

“Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.