METIU 23:13 - KARANU KABI SAMTAM

¹³ “Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.

METIU 23:13 Referans Kwoze

LUKNII KARYII KABI RASAM JUKAMATI 11:52

“Gonyii ajaitingshang katimei jangpiinii kamagele! Kadapochiinii swirek kati mah chabyii tei gonyiinii poitoi takle; gonyii pum katangpiinii liit sutakle sateichii teiki liit tang karam meigodo gonyiinii namwo takle.”

METIU 23:29

“Ajaitingshang kati ojamei sateichii Farasismei gonyii jangpiinii kadaziikapii kamage tang takpo! Kadapokii gonyiinii lungkakalingmei mah roubam tiile, sateichii kasang kamajyiimei mah roubam kikii kakai kuitu teido riikile sateichii tamle,

METIU 23:27

“Ajaitingshang kati ojamei ninado Farasismei hang! Gonyii jangpiinii kadaziikapii kamage tang takpo! Kadapokii gonyiinii pou- sabaju ngou kabi nlenii lungnii kataimei mah aroupii sateichii matei kasu hangteipii tokryii kalei kaha taikabam roubam takumle.

METIU 23:23

“Ajaitingshang kati ojamei ninado Farasismei, gonyii kabijai katiimei! Gonyii jangpiinii kadazii- kapii kamage tang takpo! Kadapokii gonyiinii kabihiilii, siilou-lousang ninado nchyiikom mah njai kearii kito njaikii Saraago pyiitakpokii, ajaitingshang mah kasangpii masui kaki hang katunii, kasang lungsyii lungset kati ninado kamalum ai gonyiinii rat toi aitakle, kaki hangtei toi supiinii, aihang ai gonyiinii tiitang karamle.

TIILAMLWI KAPYIIMEI THA JUKAMATI 8:1

Sateichii mpougo kagi tei Solnii ahnyiigo kaswisii mazhiitakle.

2 TIMOTHI 4:15

Nangniido mpou dato sakai wolo; daponii mpounii nyiimah kabi rasam aigo mazhiisang mazhii makle.

2 TIMOTHI 3:8

Jens nei Jamresnii Moses go mazhii kasu takumpiinii lungto kasang gakalei kamalum kito mazhii kasu mei aimei ainiido kasang go mazhii sutakle.

TIILAMLWI KAPYIIMEI THA JUKAMATI 13:8

Nlenii Eluma, kamadat mahai katiipii teinii (Grik lat kito mpou zei tei teile) mpoupiinago dangnaiwosii, dwipii maguisii kalei sazyii mah apum katiipii teinii malum tang karam kiteito karektoi tang karam pwidi fiitu takle.

TIILAMLWI KAPYIIMEI THA JUKAMATI 5:40

Teito mpounii katam tei ahnyiinii shii wosii ahnyiinii Tiilamlwi ka- pyiimei gotei lat maliit tosii ahnyiigo dat datpyiisii, Jisu zei kito tam matu kasu tiisii hungsii kakhat- pyiisanii, ahnyiigo mpat aitakle.

TIILAMLWI KAPYIIMEI THA JUKAMATI 5:28

“Zei aikito ralipyii sulosii nyiinii gonyiigo tiigatpii kakhatpyii takle, sateichii julo, gonyiinii rali kapyii aipiinii Jerosalem bam hangki tokryiisek takle, ninado mei aipou mah zai ai nyii phyiiryiikii gonyiinii majou kainyiile.”

JONNII KARYII KABI RASAM JUKAMATI 9:34

“Nangnii kem kamapiinii kajyiineisii lungle ninado kem kito makot makhiile, sateichii nangnii nyiigo ralipyii leipo?” Teito ahnyiinii mpougo Jehudimei mah ndwibamni kiteito paktoi aitakle.

JONNII KARYII KABI RASAM JUKAMATI 9:24

Teijangpii ahnyiinii kareiki mik chetsii kalei sapfii mpou gotei hangna kashang tiisii lat magongsii mpou dakii tamle, “Nang kasang tam tangle katupii Saraa doito riishii tiilo! N-go tii mbikapyii sapfii mpou ai kem katiimei hangniniile katu nyiinii tile.”

JONNII KARYII KABI RASAM JUKAMATI 9:22

Mpou pwi nei mpou pfiinii Jehudimeigo kahing jangpiinii ai ai tamle, kadapokii mei kata hangninanii mpougo Kristalesii tam mpat leponii, ahgo Jehudimei mah ndwi kiteito paktoi aitanglesii Jehudimei hangnii mazhiisii rashiibam takle.

METIU 23:25

“Ajaitingshang kati ojamei ninado Farasismei hang gonyii jangpiinii kadaziikapii kamage tang takpo! kadapokii gonyiinii peek-kok poulam tei tiimateile, nlenii lung- tonii meigo satui sadzyii katii ninado mpouroinapii mpou-pumgo jum majyiipei kalak teipiinii tokryiile.

METIU 3:7

Nlenii Farasismei ninado Sadhu- mei hangteinii dwi mpum tang karam jangpii gong kalei tei ngou wosii mpounii ahnyii dakii tamle, “He sanhii taa-nahmei, gongtang karam rakarhii kiteito nlek wolosii gonyii dakii tanii ralipyiipo?

METIU 23:16

“Mik kachet doimajang katat- mei gonyii, kadaziikapiinii kamage tangpo! Gonyiinii tamle, ‘mei kata hangninanii Saraa kamaningki zei latsii riishii tiileponii, teinii makado makle, nlenii mei kata hangninanii Saraa kamaningki lungto kalei sona zei latsii rashii tiileponii, mpougo mpou mah rashii teinii jum bamle.’