METIU 21:19 - KARANU KABI SAMTAM

¹⁹ sateichii pwidi kuto kadhiitbang hangninii ngousii mpounii teiki katang tat patle, nlenii mah kado dousutakle, nhii roinii takle. Teito mpounii ruibang gotei tamle, “Nangnii ati matisang matiloi lakle,” teisek-kii kadhiitbang tei kiga takle.

METIU 21:19 Referans Kwoze

TAITAS 1:16

Ahnyiinii Saraago tilesii tam mpatle, nlenii ahnyiimah tha teinii mpougo mazhiimakle, ahnyiinii ka- ngouroule, katam swimakle, sateichii tha hangninii jangpiiniido kabi tei gale.

JONNII KARYII KABI RASAM JUKAMATI 15:6

Mei kata hang- ninanii gudato taksupii lei suleponii, ahgo kha takumpii toido toile taido taiga tule; sateichii ahnyiinii teigo tei poi nkom wosii mi sumkii toikaisii rutoi leile.

LUKNII KARYII KABI RASAM JUKAMATI 3:9

Aitoido ruibang hangmah maa kikii aryii hoisii bamle, Teijangpiinii riiti kabi mati kasu ruibang hang gotei bitoisii mi sumkii toikai tangle.”

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

MARK 11:14

Teito Jisu- nii kadiitbang gotei tamle, “Tingnei sekpii mei kaniido godato ti chiika- nhiilo.” Sateichii mpouboumeinii teitei shiitakle.

MATIMANGOU KAPYII 22:11

Kashyii tha tiikaleimei teinii kashyii tei tiijousii leimatulo, sateichii kahong- mei teinii hongsii leijou matulo, sateichii kasang kamajyiimei hang- teinii kasang tei tiijousii leimatulo, ninado kamateimei hangteinii matei- jousii leimatulo.”

JUD DATO KAGONG CHITI JUKAMATI 1:12

Aihang ainii gonyiimah lungkasyii takbai hang kito gonyiigo kaswisii chii njoi sak njoi kalei kamakum kuitu kadile, kahing gasii ahnyii roinapii ahnyiigo makot kalei meile, tingkainii gwi- pungsii katat dwi haikasu mongram takumle, ti mati kasu ruibang, tainakii taikalei, maa pai mpat kalei, sateidou mah ruibang takumle.

2 TIMOTHI 3:5

Saraago kamaning jai kapoi, nlenii teimah teimahamgo mazhii kasu, tei kakum meihang dateito nlek wolo.

METIU 21:20

Sateichii boumeinii teitei ngou wosek-kii sung gasii tamle, “Kada takumpii kadhiitbang ainii binasek- kii kigapo?”

MARK 11:20

Kanapiinei tingchoi nukii, ah- nyiinii pwidi tat kapat tinglang kak, kadiitbang tei bang amaa katang tai kaga tei ahnyiinii ngoutakle,