METIU 20:30 - KARANU KABI SAMTAM

³⁰ Sateichii julo, pwidi kuto bam kalei mik kachetmei hangnanii Jisu tat kalei koi tei shii wosek-kii, saa takle, “Devit nah sapfii mpou, abangpii, nyiigo lungsyii pyiilo!”

METIU 20:30 Referans Kwoze

MARK 10:46

Sateichii ahnyiinii Jeriko ki gongle, sateichii Jeriko kito mpounii mpouboumei ninado meimoigo kaswisii tat kapat tinglangki, Temos nah mik kachetpii Bartimos mah kahapii tei pwidi kuto bamle.

METIU 22:42

“Krista mah kaang kito gonyiinii kadalesii maningpo? Mpou ai ta-nah Sapfii mpoupo?” Ahnyiinii mpoudakii tamle, “Mpou ai Devit nah Sapfii mpoule.”

METIU 21:14

Sateichii mik kachet ninado pi katwimei teinii Saraa kamaning ki lung teito mpouda gongle, sateichii mpounii ahnyiigo tii mbipyii takle.

METIU 21:9

Sateichii mpou doito tat kalei ninado mpou tai swikalei meihang teinii saale, “Devit nah sapfii mpou gotei Hosanna! Bangpii zei kito gong kalei mpou ai sadoi bile! Kasagoi goisang gamto Hosanna!”

TIILAMLWI KAPYIIMEI THA JUKAMATI 2:30

Teijangpiinii mpounii Lungkakalingmei hangninii tiisii, mpouki tatreng hangninanii mpoumah sagongbam ki bam tang karamle sii Saraanii mpou dakii riishii hangninii tiipyii takle katu tei mpounii tiwo takle.

LUKNII KARYII KABI RASAM JUKAMATI 7:21

Sateichii ahnyiinii kalei tinglang kaktei Jisunii ra kataam kataam tiisii kaleimei, sara kashyii kaswi kalei meigo tii mbipyiile, satei- chii mik chetsii kaleimei hangkiigo mik ngou matule.

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,

METIU 15:22

Sateichii julo teiki sazyii baang teito Kainan mei pwi hangninii patsii saa takle, “Devit nah sapfii mpou, Oh Bangpii!” “N-gu lungsyii pyiilo; gunah sapwi mpeigo sara kashyiinii jum wosii hangkapii tiikamagesii bam takle.”

METIU 13:4

Sateichii mpounii aitiisii lwirou rali kapikak, lwirou kangkanii pwidikuki takliitsii, ruinahnii gongsii chii wotakle.

METIU 20:31

Sateichii meimoi teinii malhii sulosii ahnyiigo n-gile; nlenii ah nei hangnanii kisii kisii saa tutakle, “Devit nah sapfii mpou, Bangpii, nyiigo lungsyii pyiilo!”