METIU 20:24 - KARANU KABI SAMTAM

²⁴ Sateichii mei kearii teinii ai shii wosek-kii, ahnyii teinii asana hangna gotei rarhii takle.

METIU 20:24 Referans Kwoze

1 PITAR 5:5

Tei takumpii gonyii ranu kaleimei, katingmei kang nkanglo. Gonyii hangninanii hangniniigo nga ngatang karam jangpii meinah mah tingshang kabi tei nat kai kalei takumpii gonyiihang kai wolo, “Kadapokii det palhii kadimeigo Saraanii mazhiimakle, nlenii lung kamanoi meigo jumagep yiile.”

JEMS 3:14

Nlenii gonyii lung kito hangkapii kamaimhii ninado mpoujangpii roinii kamaning tei leileponii, gomah swirek kabi kito detdisii kasang dateito tiimatusulo.

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

1 KORENMEI 13:4

Lungkasyii teinii lung leh kati sateichii jumage kati teile, lung- kasyii teinii meigo maimhii makle, mak-kii palhiidi leimakle.

MARK 10:41

Sateichii mpou boumei kakimei kearii teinii tei shii wosek-kii, ahnyiinii Jems ninado Jon go rarhii takle.

METIU 20:23

Mpounii ahnyii dakii tamle, “Gonyiinii gumah peek tei saknii sak tangle, nlenii gubah ajiilamto ninado gubah abilamto bam tang karam teinii, Inii pyiitang karam mah makle, nlenii ainii gu pfiinii mbam tang karam jangpii tiikadakai kabam mei jangpiiniile.”

METIU 20:25

Nlenii Jisunii ahnyiigo lat ndwisii tamle, “Lui kakimei mah apum katiimei teinii ahnyii phyiiryiito apum tiile, sateichii ahnyii mah doi majang katatmei teinii ahnyii phyiiryiito teimaham tei jumle, katu tei gonyiinii tile.

MARK 10:14

Nlenii Jisunii teitei ngou wosii, mpounii rarhiisii mpouboumei dakii tamle, “Ahnyiigo nam sulo; nahmei kachengmei gotei guda liit matulo, dapochiinii Saraa mah sating sazyii teinii ai kakummei lhangle.

LUKNII KARYII KABI RASAM JUKAMATI 13:14

Nlenii Jehudimei mah ndwiki teito kadipii teinii Jisunii ntak piinei leimik ra kani tii mbi kapyii jang- teipii samou supiinii meimoi dakii tamle, “Meinahnii tha tiitang karam leimik saruk leile, teijangpiinii teitinglang hang kikii rakani meigo ra tii mbitang karam jangpii gonglo, ntak piinei leimik kitei gong sulo.”