METIU 20:16 - KARANU KABI SAMTAM

¹⁶ “Teijangpii kana meinii karei, sateichii karei meinii kana tangle.”

METIU 20:16 Referans Kwoze

METIU 19:30

Nlenii karei mei hangkanii natu tangle, sateichii kanamei teinii reitu tangle.

MARK 10:31

Nlenii aitoi kareimei hangkanii natu tangle sateichii aitoi nasii kalei meihang kanii reitu tangle.”

METIU 22:14

“Kadapokii Saraanii mpou mah sating gam sazyiiki gong hailosii mei hangkago latsii leile, nlenii mei chengniikanii lat kalei tei lukaile.”

LUKNII KARYII KABI RASAM JUKAMATI 15:7

Inii gonyii dakii tam leile, tei takumpii, lung kalisudo kamazhii, kasang kamajyiimei reksokchyiisii sokchyii-nkhii sungnii kem kama katiimei hangninanii lung kali kalu jangpiinii sating gamto nta tangle.

ROMMEI 9:30

Teitii leponii nyiinii kadapei tam tangpo? Kasang kamajyii fiikasu luikakimei hangteinii kasang ka- majyii katunii, kamalum kito kasang kamajyii tei doutakle;

METIU 7:13

“Pwidi kamarum kiteito liitlo, kadapokii Mibamki pangliit tang karam takam teinii majale sateichii pwidi teinii malahle; sateichii teikito kaliitmei teinii hangkiile.

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.

LUKNII KARYII KABI RASAM JUKAMATI 14:24

Kadapokii Inii gonyii dakii tam leile, hai kalumei hangninii kaniido gumah takbai ai masei lakle.’”

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

ROMMEI 5:20

Kem tei moibuibui matu tang karam jangpii ajaitingshang teido gongtakle, nlenii kem moibui bui kalei nitei, Saraa mah jumage kapyii teido kisii moibuile.

LUKNII KARYII KABI RASAM JUKAMATI 7:47

Teijangpiinii Inii godakii tam leile, Mpoupeinii lung- kasyii kadi tiikamangou aipii mpou- pei mah kem kama kadi hangtei magapyii takle katu tei mangoupyii takle. Nlenii kata kangkiigo ching- niikii magakapyii teinii, lungkasyii chingniikii mangoule.”

METIU 21:31

Hangna kak ki aito tapiinii mpou pfiimah kamaning kamazhii tei tiipo?” Ahnyiinii tamle, “Katingpii teiniile.” Jisunii ahnyii dakii tamle, “Inii gonyii dakii kasangpii tam leile, Aha kahamei ninado sahapwimei teinii gonyii doi reisii Saraa mah sating sazyiiki tat leile.