METIU 19:16 - KARANU KABI SAMTAM

¹⁶ Sateichiijulo, mei hangninanii mpouda tatpisii tamle, “Madhiika- pyiipii, Inii kalui kaga karing doutang karam jangpii kadapei tha kabi tiitangpo?”

METIU 19:16 Referans Kwoze

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

JONNII KARYII KABI RASAM JUKAMATI 3:15

Mosesnii sazyii kamarong kito sanhiigo poikamatu takumpii, meinah sapfii mpou gotei poimatu tang karamle.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

METIU 25:46

Sateichii ahnyii hang ainii kalui kaga kamage kalak nitei tat tang takle, nlenii kasang kamajyiimei hang teinii kalui kaga karing nitei tat tang takle.”

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

1 TIMOTHI 6:19

ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

TIILAMLWI KAPYIIMEI THA JUKAMATI 16:30

Sateichii mpounii mpoupii- nago pang patsii tamle, “Goneiwo, kalei kapyii doutang karam jangpii Inii kadapei tiitangpo?”

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

JONNII KARYII KABI RASAM JUKAMATI 12:25

Mpou- mah karing go lungsyiisii kaleimei teinii teitei magale, sateichii sazyii pouryii aito mpou mah karing go ngou karoumei teinii teitei kalui kaga karing jangpii kaibam tangle.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

JONNII KARYII KABI RASAM JUKAMATI 6:47

Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

METIU 19:29

Sateichii guzei jangpii kihang mak-kii sanamei hang mak-kii taipwimeihang, mak-kii pwi-pfii mak-kii nahmei mak-kii lu hang kado toi kalei meihangnii tei njai mazhii-hai doutangle sateichii kalui kaga karing tei pyiitangle.

1 TIMOTHI 1:16

Nlenii mpougo malum wosii kalui kaga karing doutang karam mei jangpii nda tiikamangou hang- ninii tiisii, kem tiikakipii, n-gu kaswisii kalei kito mpoumah lung leh kati tei Krista Jisunii mangou kabui tiisii Saraanii n-gu lungsyiipyii takle.

METIU 19:26

Jisunii ahnyiigo jusii tamle, “Meinah jangpiinii ai ai tiipei wolakle, nlenii Saraa jangpiinii mahlyii hang tiipei wobuile.”

METIU 19:15

Sateichii mpounii ahnyii phyii- ryiikii mpou bah poikai pyiitakle, sateichii teibam kiteito tat tutakle.