METIU 18:5 - KARANU KABI SAMTAM

⁵ Sateichii ai kakum nahmei kacheng hangniniigo guzei kito lukaipyiisii kalei meitei n-gu lukaiziile.

METIU 18:5 Referans Kwoze

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

GALATIMEI 4:14

Sateichii gupum katii teipii gonyiigo jaikaju hangninii katii tei gonyiinii maning kamala mak-kii mazhii kasu tiisii makle; nlenii sating gamlui hangniniigo takumpii, nle, Krista Jisu sekgo takumpii gonyiinii n-gu lukaipyii takle.

JONNII KARYII KABI RASAM JUKAMATI 13:20

Kasang kasangpii Inii gonyii dakii tam leile, Inii lang kamagongmei kata hangniniigo lukakaimei hangteinii n-gu lukaile sateichii n-gu lukakaimei hangteinii n-gu lang kamagong ahgo lukaile.”

MARK 9:37

“Mei kata kangkanii ai kakum nahmei kacheng kak kito hangniniigo gu zei kito lukaipyii leponii, n-gu lukai leile, sateichii mei kata kangkanii n-gu lukai leponii, n-gu lukai makle, nlenii n-gu lang kamagong mpou gole.”

LUKNII KARYII KABI RASAM JUKAMATI 9:48

Sateichii ahnyii dakii tamle, “Mei kata kangkanii gu zei kito nah kacheng aigo lukai lepochiinii, n-gu lukaiziile; sateichii mei kata kang- kanii n-gu lukai leponii, n-gu lang m-mang kapyiipii godo lukaiziile; kadapochiinii gonyii hang kak kito kacheng cheng sangpii teinii kadi disang piile.”

MARK 9:41

Inii gonyii dakii kasangpii tam leile, mei kata kangkanii gonyii ai Krista meile katu jangpii dwi peek kado gonyiigo pyiisak lepochiinii ah mah lang teinii madou kado gasang galakle.

METIU 25:45

Tei tinglang kak mpounii ahnyii dakii khekalat tangle, ‘Inii gonyii dakii kasangpii tam leile, ai kacheng chengsang hangninii dakii gonyiinii tiiha kasutatei gonyiinii gudakii tiiha sutakle.’

METIU 7:8

Kadapokii kakhangmei hang dakii pyiile, kafiimei hangnii doule sateichii kakhiisii kalei mei hang dakii laatpyii tangle.

METIU 18:4

Nahmei kacheng aitakum- piinii mpouroinapii mpougo poi sagoi supii poisanasii kalei mei teinii sating gam sazyii kito kadi disang- piile.

METIU 18:6

“Nlenii n-gu malum kalei nahmei kachengmei aihang kak kito hangniniigo mei kata kangkanii tiikou aileponii, mpou kagung kikii kakaryii kuitu kuikaisii dwijai katuk ki takliitsii dwikito ngalum kalei teiniipou mpoujangpii bibwi tangle.