METIU 17:20 - KARANU KABI SAMTAM

²⁰ Mpounii ahnyii dakii tamle, “Gonyii mah kamalum kacheng jangpiiniile, kadapokii Inii gonyii dakii kasangpii tam leile, gonyiinii njang-gaiti lwirou langkii kamalum tei leipodinchii, gonyiinii zangtung aigo tam tangle, ‘aikito luki tat tulo,’ sateichii teiteinii tat tutangle; sateichii gonyiinii tiipei kalak mah kado gatangle.

METIU 17:20 Referans Kwoze

LUKNII KARYII KABI RASAM JUKAMATI 17:6

Teito Abangpiinii tamle, “Gonyii- nii njang gaiti lwirou hangninii langkii kamalum tei lei lepochiinii gonyiinii ruibang aigo ‘maa pai mpat tosii dwijai phyiiryiito lungtulo’ sii tamchii, teiteinii gonyii sam switangle.

MARK 11:23

Inii gonyii dakii kasangpii tam leile, ‘Mei kata kangkanii zang aigo, nang tusii dwijai lungkii toikai ailo,’ sii tam leponii sateichii ah lungto maning kariirhii tei galeponii, ahnii katam tei madou supii patling tangle katu malum leponii, teitei ah dakii tiipyii tangle.

LUKNII KARYII KABI RASAM JUKAMATI 18:27

Nlenii mpounii tamle, “Meinah nii tiipei wokalak tei Saraananii tiiwo buile.”

LUKNII KARYII KABI RASAM JUKAMATI 1:37

Kadapochiinii Saraanii samah kado tiipei kalak gale.”

METIU 21:21

Jisunii ahnyiigo khekalatle, “Inii gonyii dakii kasangpii tam leile, gonyiinii malum leponii sateichii maning riirhii suleponii, kadhiitbang gamkii Inii tiikabam ai gonyiinii tiikabui roisupiinii ai zang ai katang godo. ‘Nang gungtusii dwijai lungkii goroinapii toikai ailo’ sii tamleponii, teitei tiitangle.

MARK 9:23

Teito Jisunii mpougo tamle, “Tiibuichiinii, katutei! Kamalum kalei ah jangpiinii mahlyii hangtei tiiwobuile.”

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

METIU 13:31

Mpounii ndasam kaki hang- ninii ahnyii dakii tamle, “Sating gam sazyii teinii, mei hangninanii njang gaiti lwirou hangninii poisii mpou-lu kikii ralikai kabam takumle.

JONNII KARYII KABI RASAM JUKAMATI 11:40

Jisunii mpoupei dakii tamle, “Nangnii malum leponii, Saraa mah pumtei kava ngoutangle sii Inii godakii tamtak makpo?”

MARK 4:31

Teithiinii sazyiikii rali kalei sazyii pouryii hang kakto cheng kaki n-jang gaiti lwirou takumle.

HEBRUMEI 3:19

Teipiinii malum kasu jangpii ahnyiinii ntakbam kitei liitpei wolak kiile katu nyiinii ngoule.

METIU 17:17

Jisunii khekalatle, “Oh kama- lum kaga ninado karampou mei-ha, Inii kadatakii gonyiigo kaswisii bam tangpo? Inii gonyiigo kadatakii leh njoi tangpo? Mpougo aiki guda pang gonglo.”

1 KORENMEI 12:9

kaki hangninii dakii njoi katu rangii teinii kamalum, sateichii kaki hangninii dakii rangii teinii katchii kanhii tii ka-mbi mah luha tei pyiibam takle.

METIU 17:9

Sateichii ahnyiinii zang gamto aitiisii kahum tinglang kak, Jisunii ahnyii dakii tamle “Meinah sapfii mpou teinii katai kito ringkhii kasuta meida kado gonyiinii ngou kalu tei tam mpat sulosii kakhatpyii takle.”

METIU 8:26

Teito mpounii ahnyii dakii tamle, “He kamalum kagamei, gonyii dajangpii hing leipo?” Teito Mpounii gungtu tingkai ninado dwijai gotei ntak tulo sii kakhat takle; teito manoi majung takle.

METIU 17:19

Teito boumei teinii Jisuda makumpii gongsii tamle, “Nyiinii ai ai baatoi pei kalak ai kadapei jangpiiniipo?”

MARK 11:22

Teito Jisunii ahnyiigo kheka- latle, “Saraa dakii kamalum tei leilo.

METIU 14:29

Mpounii tamle, “Patlo.” Teito Pitar nii malyii lungto tatpat tosii, dwi phyiiryiito pipii tatsii Jisuda pat takle,