METIU 13:22 - KARANU KABI SAMTAM

²² Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

METIU 13:22 Referans Kwoze

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

LUKNII KARYII KABI RASAM JUKAMATI 8:14

Sateichii tiirat kak tak kaliit lwirou teinii, ahnyiinii shiiwo takpokii, Sazyii pouryii mah swi kito pusii naangsii sateikii kani kahii, sateikii kasamou aihang aipii moijusii ahnyiigo ghiitmai aitakle, sateichii ahnyii mah riiti teinii mwisang mwi leimakle.

LUKNII KARYII KABI RASAM JUKAMATI 12:15

Teito Mpounii ahnyii dakii tamle, “Sakai wolo, kadapochiinii meinah mah karing tiilung tei mpoumah mahbam kamoi kitei bam makle.”

2 TIMOTHI 4:10

Kadapokii Demasnii sazyii pouryii aigo lungkasyii kito n-gu toi aisii Thesolonika ki tat tutakle; Kresens- nii Galatiyaki tat tutakle, sateichii Taitasnii Dalmotiyaki tat tutakle.

METIU 13:7

Sateichii kangkanii tu tiirat kak ki takliit takle, sateichii tu tiirat tei pokpatsii tei gotei giitrang aitakle.

LUKNII KARYII KABI RASAM JUKAMATI 12:21

Sateichii Jisunii tamle, “Saraa mah mik doito mah nisupiinii mpou- jangpii roinii kani kahii poi nkomsii kalei tei aitakumle.”

LUKNII KARYII KABI RASAM JUKAMATI 21:34

“Nlenii tak chii kamaju, jou sak kapiinhii sateichii sazyii pouryii meimah swi teipiinii gonyii lung tii kamage matu kasu tiisii sateichii teipiinei leimik tei mphee takum- piinii gonyii phyiiryiikii tisupiinii gong matu kasu tiisii, gonyii roinapii gonyii sakai wolo.

TIILAMLWI KAPYIIMEI THA JUKAMATI 8:18

Sateichii tiilamlwi kapyiimei bah kaikapyii kak rangii kamatei tei pyiitakle katu Simonnii ngou wosek-kii, mpounii ahnyii dakii sana pyiisii tamle,

METIU 12:32

Sateichii meinah sapfii mpougo mazhii kasu sam katam meihang gotei kaleipyii tangle, nlenii rangii kamatei go mazhii kasu sam katam meihang gonii sazyii pouryii kitodo gongtang karam kiteitodo kaleipyii lakle.

METIU 13:39

ahnyiigo ralikai kapyii ngou karoumei teinii sara kashyii teile, karachet tinglang teinii, sazyii pouryii mah kalui teile, sateichii lu karachet mei teinii sating gamlui hang teile.

METIU 13:40

Rhiimah tei poi ndwisii mi kikii toi kakai takumpii, sazyii pouryii kaluiki tei takum tangle.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

1 KORENMEI 1:20

Kasakaimei kadaki leipo? Ajai- tingshang kati ojamei kadaki leipo? Aiha kito sam kajyiikati mei kadaki leipo? sazyii pouryii meimah swirek kabi gotei Saraanii tii m-mang aitak makpo?

1 KORENMEI 2:6

Teitii kido swirek kabi mah samtam tei katingmei kak kikii nyiinii tam mpat pyiile. Nlenii sazyii pouryiimei mah swirek kabi tei makle, mak-kii gatang karam sazyii pouryii apum katiimei mah swirek kabi tei makle.

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

1 KORENMEI 3:18

Mei kaniido ah roinapiinii ahgo schoi choi matu sulo; gonyii kak kito aiha ki aito mei kata hangninanii ah ai sakailesii maning leponii, ahnii sakai tang karam jangpii ahnii maning matulo.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.