METIU 12:15 - KARANU KABI SAMTAM

¹⁵ Sateichii Jisunii ai tiwosii tei kiteito tat tutakle, sateichii mei hangkanii mpou-tai swiwo takle, sateichii mpounii ahnyii hang go ra katchii tii mbipyiile.

METIU 12:15 Referans Kwoze

METIU 10:23

Ahnyiinii gonyiigo namdi aikito kaset kalak kapyii tinglang kak; kaki hangniniiki pak galo; kadapokii Inii gonyii dakii kasangpii tam leile, meinah sapfii mpou teinii gong kasunakii gonyiinii Isrel mah nam hang kitei gong mashangpei wolakle.

JONNII KARYII KABI RASAM JUKAMATI 11:54

Teijangpii Jisunii Jehudimei kak kito nlailoisii madupii roitat sutakle, nlenii sazyii kamarong kuto kalei, Ipraim sii kalat namdi nitei tat tutakle, ninado teikito mpounii mpou boumei hang go kaswisii bamle.

JONNII KARYII KABI RASAM JUKAMATI 7:1

Aitaito Jisunii Galiliki tatsii leile, mpounii Judiya sazyiiki tatnyii sutakle, dapochiinii Jehudimei hang- nii mpougo gitang karam jangpii fiisii leitakle.

METIU 19:2

Satei- chii meimoinii mpoutai swi wotakle sateichii mpounii ahnyiigo tei kito tii mbipyii takle.

MARK 6:56

Sateichii mpou- nii katat bamlyii hangki, namdiki todosa, abung kitodosa mak-kii ram kitodosa, ahnyiinii katchii kanhiimei gotei salikijang hang kikii mazyii takle, sateichii ahnyiinii mpoupeikaa katangpiinado deng matu losii khangle, sateichii deng kalumei hangteiniido biwo takle.

1 PITAR 2:21

Kadaponii aikikii gonyiigo Saraanii latto takle; kada- pokii gonyiinii Kristamah pikang tai swimatu tang karam jangpii, gonyii dakii nda tiimangousii, gonyii jangpii Kristaniido kamage kalak tei pungpyii takle.

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

JONNII KARYII KABI RASAM JUKAMATI 9:4

N-gu lang kamagong ahmah tha tei leimik kalei kak nyiinii tiitang karamle; mei kaniido tha tiikalak tinghum tinglang tei gonglei takle.

LUKNII KARYII KABI RASAM JUKAMATI 6:12

Teitinglangki Jisunii riita tang karam jangpii zang hangniniiki tatpi takle, sateichii mpounii tinghum matang Saraa go riitale.

LUKNII KARYII KABI RASAM JUKAMATI 5:22

Sateichii Jisunii ahnyii lungto maning kalei tei tiwosii ahnyii dakii tamle, “Gonyiinii gonyii lung kito dajangpii teitiisii maning leipo?

LUKNII KARYII KABI RASAM JUKAMATI 9:11

Sateichii mei- moi teinii teitei tiwo sek-kii, mpoutai swiwo takle; sateichii mpounii ahnyiigo ntasii lukai wosanii Saraa mah Sating Sazyii mah kaang kito tampyii takle; sateichii katii kanhii tii ka-mbi kamareimei ahnyii gotei tii mbipyii takle.