METIU 11:26 - KARANU KABI SAMTAM

²⁶ Nle, gu Pfii, Kadapochiinii aipiinii go mikjot kito kasaat teile.

METIU 11:26 Referans Kwoze

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

IPISAMEI 3:11

Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

ROMMEI 9:18

Teipiinii mpounii kamaning kamareimei hang go jumage pyiile, sateichii mpounii kamaning kamarei mei lungtei tiimatei pyiile.

LUKNII KARYII KABI RASAM JUKAMATI 10:21

Tei tinglang sek-kii mpounii rangii kamatei mah teimaham paito ka-ntapii tokryiisii tamle, “He gu pfii sating ninado Sazyii pouryii mah Bangpii, Inii n-go halang takle. Dapochiinii nangnii aihang aigo kasakai ninado katimei dato poi kabaibam siinii nahmei kacheng meihang dakii mangoupyii takle. Nle, gu pfii, dapochiinii aipiinii go mikjot kito kasat teile.

LUKNII KARYII KABI RASAM JUKAMATI 22:42

“He Pfii-o, Nangnii mazhii lepo- chiinii, kamage kalak mah Peek ai gudato poitoi seilo. Nlenii katalyii tiikido Inii kamaning kamarei tei tiimatu supiinii nangnii kamaning kamarei tei tiimatulo.”

LUKNII KARYII KABI RASAM JUKAMATI 23:34

Teito Jisunii tamle, “He pfii-o! ahnyiigo maga pyiilo; kadapochiinii ahnyiinii kadapei tiiziipo katu tei ahnyiinii timakle.” Sateichii ahnyii kak kito doi kabi tei kajusii, ahnyii kakto mpou mah peimani tei njaitu takle.

JONNII KARYII KABI RASAM JUKAMATI 11:41

Teipiinii ahnyiinii kuitu tei poitoi aitakle ninado Jisunii rajang matusanii tamle, “Pfii-o, nangnii n-gu shii kapyii jangpii Inii n-go halangle.

JONNII KARYII KABI RASAM JUKAMATI 12:27

“Aitoinii gulung kamage takle, sateichii Inii kadapei tam tangpo? Pfii-o, tinglang aikito n-gu keipyiilo. Makle, kaang aijangpii tinglang aiki ai Inii gongtakle.

JONNII KARYII KABI RASAM JUKAMATI 12:28

Pfii-o, go zei dimatulo.” Teito sating gamto rok hangninii gong takle, “Inii teitei pumtei kava tiido tiimadi takle, sateichii teitei tiido tiimadiloi tangle.”