METIU 1:21 - KARANU KABI SAMTAM

²¹ “Mpoupeinii nah sapfiimei hangninii lungtangle, sateichii nang- nii mpou zei Jisu sii lat tangle, daponii mpoumah mei hang go ahnyii mah kem kito Ahnii keipyii tangle.”

METIU 1:21 Referans Kwoze

TIILAMLWI KAPYIIMEI THA JUKAMATI 13:23

Sapfii mpou aipou gamto Saraanii pyiitanglesii riishii tiikabam taiswisii Isrelmeinah dakii Keikapyiipii Bangpii Jisugo pung gong pyiitakle.

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

LUKNII KARYII KABI RASAM JUKAMATI 2:21

Sateichii jang sananiitai Jihu- dimei kanat taiswisii Nah gotei tiigyii malem takle sateichii mpougo mpung kasunato sating gamluinii zei tak kapyii takumpii, Mpougo JISU sii zei tak ai takle.

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

LUKNII KARYII KABI RASAM JUKAMATI 1:31

Julo, nangnii mpung tangle sateichii nah sapfiimei hangninii lung tangle, sateichii nangnii mpougo Jisu sii lat tangle.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

LUKNII KARYII KABI RASAM JUKAMATI 2:11

Kadapochiinii tingnei leimik Devit namdi kiteito gonyiigo Keikapyiipii Bangpii Krista tei manaa takle.

1 JON 1:7

Nlenii mpounii kava kito kalei takumpii nyiinii kava kito tat leileponii nyiinii hangninanii hang- niniigo nja katumah njai dou njoi katu tei leile, sateichii mpounah sapfii mpou Jisumah zai teipiinii kem hang kito nyiigo tiimatei pyiile.

TIILAMLWI KAPYIIMEI THA JUKAMATI 3:26

Sateichii teijangpii Saraanii Mpouki kaleipiigo kalai takle ninado karei kito mpougo gonyii dakii lang m-mangpyii takle, gonyii mah kem pwidi hang kito tat nrek matusii satoi pyiitang karam jangpii.”

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

LUKNII KARYII KABI RASAM JUKAMATI 1:13

Nlenii sating gamlui teinii mpougo tamle, “Hingsulo” Zakaria, Saraanii gomah kariita tei shiitakle, sateichii gonou Ilizabet teinii nah sapfiimei hang- ninii mpung tangle, mpougo nangnii Jon sii lat tangle.

METIU 1:25

nlenii mpounii nah sapfiimei hangninii lungkasutatei Josephnii mpoupeigo kapeilat makle ninado Josephnii mpou zei tei Jisu tak aitakle.

JONNII KARYII KABI RASAM JUKAMATI 4:42

teito ahnyiinii sapwi mpei dateikii tam takle, “Nangnii katam jangpii nyiinii aitoi malum makle, nlenii nyii sekpiinii mpougo shiitakle sateichii mpou ai kasangpiinii sazyii pouryii mah Keikapyiipiile katu nyiinii tile.”