MATIMANGOU KAPYII 5:5 - KARANU KABI SAMTAM

⁵ Sateichii katingmei kak kito mei hangninanii gudakii tamle, hatsulo julo, Judah sadung mah kou nongsa, Devit mah maa teinii larek teido seal sana teido laat tang karam jangpiinii ngam wotakle.

MATIMANGOU KAPYII 5:5 Referans Kwoze

MATIMANGOU KAPYII 22:16

“Jisu, Inii Charsh hang jangpii gonyii dakii aihang ai sakchyii pyiimatu tang karam jangpii gumah sating gamluigo lang magong takle. Inii vakabi sagei tingtang pwi, Devit mah maa ninado tatreng teile.”

HEBRUMEI 7:14

Kada- pokii Judah sadung kito nyii Bangpii gongle katu kasangpii titakle; teimah sadung mah kaang kito Mosesnii kanat kajum atingmei mah kaang kito samah kado tam makle.

ROMMEI 15:12

Sateichii nlailoisii Isaiyanii tamle, “Jesse mah maatei pok pat tangle, sateichii luikakimei phyiiryiito apum tiitang karam jangpii kagong mpou zei gotei luikakimei hangnii maning malum tangle.”

ROMMEI 1:3

Nah sapfii mpou teinii Devit mah atat areng kito lungle;

MATIMANGOU KAPYII 6:1

Aitoinii Jaonah teinii seal sana kak kito seal karei tei tiipaksii kalaat tei Inii ngoutakle, sateichii karing kounah madai kak kito hangninanii sating katuimah rok takumpiinii, “Patlo!” sii katam tei Inii shiitakle.

MATIMANGOU KAPYII 4:4

Sateichii sagongbamgo baangmagui kabam nitei sagongbam makaisii madai nkhii leile; sateichii sagong- bam phyiiryii tei peimani kaha kai- kalei sateichii ahnyiimah phyiibung gamtei sona mah sagong phyiihung choikalei katingmei mei makaisii madai nkhii bam kalei tei Inii ngoutakle.

MATIMANGOU KAPYII 7:13

Sateichii katingmei kak kiteito mei hangninanii gudato n-nhiile, “Paijou kathang kaha kai kaleimei hang ai tapo? Sateichii ahnyii tei kada kito gongpo?”

MATIMANGOU KAPYII 4:10

katingmei mei makaisii madai nkhii teinii sagongbam gam teito bam kalei ahdoi teito koumangsii, kalui gasii ringkalei ahgo matale, sateichii ahnyiimah sagong phyiihung tei sagongbam doiteikii rat toi aitakpokii lhii tiile.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

JONNII KARYII KABI RASAM JUKAMATI 20:13

Teito ahnyiinii mpoupei dakii tamle, “He, sapwi mpei nang kadajangpii hat leipo?” Mpoupeinii ahnyii dakii tamle, “Dapodinchii ahnyiinii gu Bangpiigo poitoi aitakle sateichii ahnyiinii mpougo kada kikii kai aitakpo Inii tisutakle.”

LUKNII KARYII KABI RASAM JUKAMATI 7:13

Sateichii bangpiinii mpou- peigo ngou wosii mpou lungtei mpou- peigo lungkasyii piinii tokryiisii mpoupei dakii tamle, “Hatsulo”.

LUKNII KARYII KABI RASAM JUKAMATI 23:28

Nlenii Jisunii ahnyiida nryiigongsii tamle, “Jerosalemki sapwimei, Gu jang- piinii hat sulo, nlenii gonyiinii gonyii jangpii sateichii gonyii nahmei jang- pii hatlo.

LUKNII KARYII KABI RASAM JUKAMATI 8:52

Teikito kaleimei hangteinii mageesii hatsii bamle, Teito Jisunii tamle, “Hatsulo, dapochiinii mpou- peinii taimakle, nlenii zyiileile!”

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 5:4

Sateichii larek tei laat katu mak-kii teitei fiikamajyiimei mei kado doukasu jangpii Inii lung hungsii hatle.