MATIMANGOU KAPYII 4:4 - KARANU KABI SAMTAM

⁴ Sateichii sagongbamgo baangmagui kabam nitei sagongbam makaisii madai nkhii leile; sateichii sagong- bam phyiiryii tei peimani kaha kai- kalei sateichii ahnyiimah phyiibung gamtei sona mah sagong phyiihung choikalei katingmei mei makaisii madai nkhii bam kalei tei Inii ngoutakle.

MATIMANGOU KAPYII 4:4 Referans Kwoze

MATIMANGOU KAPYII 11:16

Sateichii Saraa doito sagongbam ki bamkalei katingmei makaisiimadai nkhii teinii makumpii koumang sanii, Saraago matasii

METIU 19:28

Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

MATIMANGOU KAPYII 4:10

katingmei mei makaisii madai nkhii teinii sagongbam gam teito bam kalei ahdoi teito koumangsii, kalui gasii ringkalei ahgo matale, sateichii ahnyiimah sagong phyiihung tei sagongbam doiteikii rat toi aitakpokii lhii tiile.

MATIMANGOU KAPYII 7:11

Sateichii sating gamlui hang teinii sagongbam ninado katingmei ninado karing kounah madai gotei sat ma- guibang wotakle, sateichii ahnyiinii sagongbam doiteito makumpii koumang Saraago matasii tamle.

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 5:14

Sateichii karing kounah madai teinii tamle, “Amen!” Sateichii ka- tingmei hangteinii koumangsii matale.

MATIMANGOU KAPYII 5:8

Sateichii Ahnii larek tei poikatu tinglang kak, karing kounah madai sateichii katingmei makaisii madai nkhii teinii jaonah doitei kou- mang takle. Ahnyii mpou mpoumah kitat tung poisii sateichii kamateimei mah kariita tiisii tiiroutou piinii katokryii sanah mah koklat tei leile.

LUKNII KARYII KABI RASAM JUKAMATI 22:30

gonyiinii gumah Sating Sazyii kito gumah tak kachii bam gamto kaswisii chii sak kabui jangpii, Inii gonyii dakii Sagong Sazyii julosii pyii leile.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

MATIMANGOU KAPYII 19:4

Sateichii katingmei makaisiimadai nkhii sateichii karing kounah madai teinii koumang sanii, sagongbam kito bamkalei Saraa gotei matasii tamle, “Amen; haleluiyah!”

MATIMANGOU KAPYII 7:9

Aitaito Inii ngoutakle, sateichii julo, mei kaniido meiphyii fiipei kalak, lui hang kito sadung, mei, ninado lat hang kito paijou kathang kaha nat kai kalei sateichii bah hang kiteikii kananhii poi kalei meimoi moisang sagongbam ninado Jaonah dateito satsii,

MATIMANGOU KAPYII 19:14

Sateichii satingmah saryiimei hangteinii manoi kabi, kaha ninado matei kabi peimani tei kaiwosanii takoi kaha gam tongsii Ahtai swileile.

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.

MATIMANGOU KAPYII 9:7

Kacheng hangmah jailui tei saryii jangpiinii tiikada kabam takoi hang gotei raile; sateichii ahnyiimah phyiibung gam teikii sonapii katii sagong mah phyiihung choikalei takumle; sateichii ahnyiimah juhang teinii meinah mah jupa takumle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

MATIMANGOU KAPYII 4:6

Sateichii sagongbam doitei ralekgo karai malikpeek katu dwijai takum katu leile, sateichii sagongbam doitei ninado teigo magui kabang tei atai adoi mikpiinii katokryii karing kounah madai leile.

MATIMANGOU KAPYII 5:6

Teito karing kounah madai ninado katingmei hangteinii bang- magwisii kabam, sagongbam sumteito Jaonah hangninii sat kalei tei Inii ngoutakle. Jaonah teinii gitat kabam takumle, sateichii teitei kha sana mik sana pungle, teiteinii sazyii pouryii bamlyii hang kikii lang mpat kabam Saraamah rangii sana teile.

MATIMANGOU KAPYII 5:11

Teito Inii jule sateichii sagongbam, karing kounah ninado katingmei hang go bangmagwisii kalei sating gamlui hangkii, tang tangpii, sateichii lakh lakhpii lhii tii- kalei roktei Inii shiitakle.

MATIMANGOU KAPYII 14:3

sateichii ahnyiinii sagongbam doi- teito, sateichii karing kounah madai doiteito sateichii katingmei hang doiteito kasatai lhii hangninii tiile. Lhii tei sazyii pouryiito kalei kalumei lakh hangninii tang rekdaisii madai nkhii (144000) teisupiinii mei hang- ninii kado tei lhii tei ralipei wolak kiile.