MATIMANGOU KAPYII 4:11 - KARANU KABI SAMTAM

¹¹ “Nyii Bangpii, nyiimah Saraa, gomah pumtei kava sadzyii ngariit katii, ninado teimaham tei doumajyiile. Kadapokii nangnii mahlyiihang tii mpatpyiile, sateichii gomah kamaning kamazhii kito mahlyiihang ringleile ninado tii mpatpyii takle.”

MATIMANGOU KAPYII 4:11 Referans Kwoze

MATIMANGOU KAPYII 5:12

Ahnyiinii rok sagoisii tamle, “Gitat kalei jaonah teinii, teimaham, kani kahii, swirek kabi ninado katei kamaham, sadzyii ngariit katii, pumtei kava ninado tam kamatoi ai dou kajyiisekle!”

MATIMANGOU KAPYII 10:6

Kalui gasii ringkalei, sating ninado teilungto kaleihang go tiikapyii, dwijai ninado teilungto kaleihang go tiikapyii, Ah zei kito, riishii tii aitakle, katunii, “Riloi lakle.”

MATIMANGOU KAPYII 14:7

Sateichii ahnii rok sagoisii tamle, “Saraago hinglo, sateichii ahgo tam matoilo. Kada- pokii samtak tiitang karam ahmah tinglang tei gongtakle, ninado sating go, sazyii pouryiigo, dwijaigo ninado dwipok hang go tiikapyiipii ahgo matalo.”

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

HEBRUMEI 1:10

Sateichii mpounii tamle, “He Bangpii, saroisekto sazyii tii mpatpyii takle, sating hang ainii go baichemle;

ROMMEI 11:36

Kadapokii Saraanii amahlyii hang tiipyiile, sateichii amahlyiihang ai mpou dato sateichii mpou paito sateichii mpou jangpii ring leile. Saraago kalui gasii tam matoi matulo. Amen.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

TIILAMLWI KAPYIIMEI THA JUKAMATI 14:15

“Gonyiinii tha aihang ai kada tiisii tiileipo? Nyiido mei- nahle, gonyiigo njoi katumeile; gonyiinii kakadak tha hangkito ringkalei aiki aito Saraada nryiigong wokabui jangpiinii kabi rasam ai nyiinii gonyii dakii pung gong leile. Mpounii Sating, sazyii, dwijai ninado matum madum ailung aito kalei hang ai tiipyii takle.

TIILAMLWI KAPYIIMEI THA JUKAMATI 17:24

Sazyii pouryiigo ninado teilungto kalei mahlyii hang go tiikapyiipii teinii sating ninado sazyii pouryii mah Bangpii katu taiswisii bahpiinii tiikamakhii Saraa kamaningki teito bam makle,

MATIMANGOU KAPYII 5:2

“Sateichii larek tei laat tang karam sateichii teimah seal tei tiipak tang karam jangpii tiikamajyiimei ta leipo?” sii rok sagoisii tam mati kalei kadi kathang sating gamlui hang- ninii Inii ngoutakle.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

MATIMANGOU KAPYII 1:6

sateichii nyiigo sagong sazyii ninado mpoumah Pfii Saraamah bam kiteito kanat kajum Atingmei tiimatu kapyii mpou dakii pumtei kava ninado magongsii kalung tei kalui kaga tei matulo. Amen.

MATIMANGOU KAPYII 19:1

Aitaito sating gamto meimoi- mah rok kasagoi takumpii aitiisii katam Inii shiitakle; “Haleluiyah! Kalei kapyii karing pumtei kava ninado teimaham tei nyii Saraamahle.