MATIMANGOU KAPYII 3:3 - KARANU KABI SAMTAM

³ Teipiinii nangnii kadapei dou wopo sateichii kadapei shii wopo katu maning gonglo, sateichii teitei swi wosii lungkali wolo. Nangnii gungkhii wosu leponii, karagamei takumpiinii Inii gong tangle, sateichii Inii go phyiiryii tinglang kadadou gong tangpo katu nangnii tisang tilakle.

MATIMANGOU KAPYII 3:3 Referans Kwoze

MATIMANGOU KAPYII 2:5

Teijangpii nangnii kada kito kou aitakpo katu maning gonglo, sateichii golung kalisii kareiki nangnii katii tha tei tiilo; nangnii lungkali suleponii, Inii goda gongsii gomah thaomi kadungpii tei mpoumah bam kiteito poitoi aitangle.

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

1 THESOLONIKAMEI 5:2

Kada- pokii karagameinii tinghum kagong takumpii Bangpii mah leimik teinii gong tangle katu tei gonyiinii tiigatpii tile.

MATIMANGOU KAPYII 16:15

(“Julo, karagamei takumpii Inii gongtangle! Peimani haisupii makungpii ninado laat kabam tei ngoumatu lak tang karam jangpii peimani kaiwosii, mik raksii kalei ahtei sadoi bile!”)

METIU 25:13

Teijangpii sakailo, kadapokii gonyiinii leimikdo sateichii ting- langdo timakle.

HEBRUMEI 2:1

Teijangpii teikito nyiinii ngalum kasu tiisii nyiinii shiikalu kasang kiteito kisii sangtingsii nyiinii sat tang karamle.

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

MARK 13:36

Mpounii nlai kagong kak gonyiinii zyiisii kalei doudo malahle.

MARK 13:33

Sakailo, tiikadalo, dapochiinii tinglang tei kadadou gong tangpo katu gonyiinii timakle.

MATIMANGOU KAPYII 3:19

Inii lungkasyii hang go duido duile, raatdo raatle, teipiinii lungnhiilo sateichii lung kaliwolo.

2 PITAR 3:1

Lungkasyiimei, aitoinii ai ai Inii gonyii dakii karyii hangna kashang chitile; chiti hangna-napui kiteito gonyiigo tam maningsii gonyiimah kasamsang lungswi gotei lung tiimadi tang karam jangpii Inii tiitakle,

MATIMANGOU KAPYII 3:11

I-kalangsii gongtu tang takle, meikaniido gomah phyiihung tei poitoi matu kasu tiisii, gomah kalei tei tiigatpii jum wolo.

MATIMANGOU KAPYII 2:25

Nlenii gonyiinii doukalu tei Inii gong kasuta tiigatpii sangtingsii jum wolo.

2 PITAR 1:13

Inii ring kaleitanii gonyiigo tam maningsii kalei ai gujangpii ma- jyiilesii Inii maningle.

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

MATIMANGOU KAPYII 3:2

Gungkhii wolo sateichii taina nasii mashak kalei meihang gotei tiisangting pyiilo. Kadapokii nangnii tiikabam tei go Saraa doito bimasangsii Inii dousu- takle.

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”