MATIMANGOU KAPYII 22:20 - KARANU KABI SAMTAM

²⁰ Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu!

MATIMANGOU KAPYII 22:20 Referans Kwoze

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

MATIMANGOU KAPYII 22:12

“Julo, I-kalangsii gong tangle; sateichii gumah alangh tei meihang dakii mpou mpoumah tiikabam tha taiswisii pyiitang karam jangpii n-gu kaswisii langhtei Inii poigong tangle.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

1 KORENMEI 16:22

Bangpiigo lungsyii kasumei hang teinii sheeng kapyii tei doumatulo!

MATIMANGOU KAPYII 22:10

Sateichii ahnii gudakii tamle, “Larek aikito saa mpat kabam sam hangtei seal kai aisulo, kada- pokii tinglang tei natakle.

MATIMANGOU KAPYII 1:2

Mpounii Saraamah samtam mah ninado Jisu Kristamah sakchyii mah kaang kito, katunii mpounii ngou- kalu hangmah kaang kito sakchyii pyiitakle.

MATIMANGOU KAPYII 22:18

Larek aimah saa ka-mpat samhang go shii kalumei hang dakii Inii sakchyii pyii leile: mei kata hangninanii sam hang aikikii kai mpam leponii, Saraanii larek ai- lungkii ryii kabam sararahum hang tei ah dakii kai mpam pyii tangle.

JONNII KARYII KABI RASAM JUKAMATI 21:25

Sateichii Jisunii tiikabam tha kakido hangkii leile; teihang tei nsang nsang tiisii ryii leponii, ryiikabam larek hangtei sazyii pouryii katangpiinado liitpei wolaklesii Inii maningle.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

HEBRUMEI 10:37

Kadapokii kabi rasam kito tamle, “Tinglang shangniikii tai gongtang karam ahtei gong tangle, sateichii ahnii rilakle.

MATIMANGOU KAPYII 2:16

Teipiinii lung kali wolo, suleponii, Inii kalangsii gonyiida gongtangle, sateichii gu mwi kito pat kalei saryiikhang teipiinii ahnyiigo saryii tiitangle.