MATIMANGOU KAPYII 22:2 - KARANU KABI SAMTAM

² Sateichii teimah karyiiku kanato riiti jat keariisiinakhii mati kalei ruibang tei leile; teimah riiti tei sakhii mata mati leile, sateichii teimah ruibang nhii teipiinii lui- hangmah ra katchii tei tii mbipyii tang karam jangpiiniile.

MATIMANGOU KAPYII 22:2 Referans Kwoze

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

MATIMANGOU KAPYII 2:7

“Rangiinii Charsh dakii tam kalei tai khoi pungkalei meihang teinii shiimatulo, ngam kalu ah dakii Saraamah Paradais kito kalei karingmah ruibang kiteito chii matu- tang karam jangpii Inii pyiitangle.’

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

MATIMANGOU KAPYII 22:19

Sateichii mei kata hangninanii ai saa ka mpat sam mah larekmah samhang kiteito poitoi aileponii, Saraanii karingmah ruibang kito ninado kamatei namdi kiteito katunii larek ailungto ryiikai kabam ki teito, ahmah njai tei poitoi aitangle.

MATIMANGOU KAPYII 21:24

Sateichii luihangnii teimah kava lungto roitat tangle; sateichii sazyii pouryiimah sagongmei hangnii ahnyiimah pumtei kava tei teilungkii poigong tangle.

MATIMANGOU KAPYII 21:21

Sateichii takam kamjao keariisiinakhii tei sanahkang keariisiinakhii teile; takam kamjao nsang tei sanahkang nsangpiinii tiile, sateichii namdimah pwidi kadi tei sakhiibung takumpiinii akhii kangou kamatei sona piinii tiile.

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,