MATIMANGOU KAPYII 22:10 - KARANU KABI SAMTAM

¹⁰ Sateichii ahnii gudakii tamle, “Larek aikito saa mpat kabam sam hangtei seal kai aisulo, kada- pokii tinglang tei natakle.

MATIMANGOU KAPYII 22:10 Referans Kwoze

MATIMANGOU KAPYII 1:3

Saa mpat kalei sam hang aigo lat patsii kafiimei ninado shiikalu ahnyii, ninado teilung kito ryii kabam hangtei swikalu ahnyii tei sadoi bile, kadapokii tinglang tei natakle.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

MATIMANGOU KAPYII 10:4

Sateichii sating katwi sana teinii ka-nra tinglang kak, Inii ryiikai aina takle; “Sateichii sating katwi sana teinii tam ka-mpat hangtei seal kai ailo, nlenii ryiinii ryiikai sulo,” sii katam sating gamto rok hangninii Inii shiitakle.

METIU 10:27

Inii gonyii dakii kamyii kito katam tei gonyiinii kava kito tam mpatlo sateichii gonyiinii gonyii khoi kito makumpii shiikalu tei ki kapouryii gam tu wosii saa mpatlo.

ROMMEI 13:12

Tinghum tei tat tutakle, tingna tei nagong leitakle; teijangpiinii kamyii mah tha hangtei nyiinii rat toisii kava mah saryiinat tei kaiwode.

MATIMANGOU KAPYII 22:16

“Jisu, Inii Charsh hang jangpii gonyii dakii aihang ai sakchyii pyiimatu tang karam jangpii gumah sating gamluigo lang magong takle. Inii vakabi sagei tingtang pwi, Devit mah maa ninado tatreng teile.”

MATIMANGOU KAPYII 5:1

Sagongbam gamto bam kalei hangninii mah bah ajiilam pang- kii poulung lamna ryiikabam seal sana laak kabam kajui kabam larek gwum hangninii Inii ngoutakle.

2 THESOLONIKAMEI 2:3

Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle.

MATIMANGOU KAPYII 22:20

Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu!

ROMMEI 13:11

Aidoito kisii aitoi kadapei ting- langpo katu gonyiinii tile, katunii, aitoi zyiisii kalei kito gungkhii tang karam tinglangle; kadaponii nyiinii ndou malum kalu tinglang doito kisii nyiijangpii aitoinii kalei kapyii karing tei nabui bui leitakle.

MATIMANGOU KAPYII 1:11

“Nangnii ngou- kalei hangtei larek kikii ryii wosii Charsh sana dakii, katunii, Ipisa kikii, Smarna kikii, Pergamam kikii, Taiyatira kikii, Sardis kikii, Philadelphiya kikii, ninado Laodisiya kikii teitei matat ailo.”

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”

MATIMANGOU KAPYII 22:9

Nlenii Ahnii gudakii tamle, “Nangnii teitei tiilak tang karamle! Inii n-go go kang- sanamei lungkakalingmei hang go ninado larek aimah samkang hang go swisii kaleimei hang go njoi katu kikaleimei hangniniile, Saraago matalo.”

MATIMANGOU KAPYII 22:18

Larek aimah saa ka-mpat samhang go shii kalumei hang dakii Inii sakchyii pyii leile: mei kata hangninanii sam hang aikikii kai mpam leponii, Saraanii larek ai- lungkii ryii kabam sararahum hang tei ah dakii kai mpam pyii tangle.