MATIMANGOU KAPYII 21:1 - KARANU KABI SAMTAM

¹ Sateichii kasatai sating ninado kasatai sazyii tei Inii ngoutakle; kadapokii karei ninado karei sazyii tei maju aitakle sateichii dwijai tei gatutakle.

MATIMANGOU KAPYII 21:1 Referans Kwoze

2 PITAR 3:13

Nlenii mpoumah riishii taiswisii, kasang kamajyiimeinii lungkalei sateichii sating ninado kasatai sazyii gotei nyiinii koileile.

MATIMANGOU KAPYII 21:5

Sateichii sagongbam kito bam kalei ah teinii tamle, “Julo, Inii mah- lyiihang tiisatai pyii takle.” Sateichii Ahnii tamle, “Ai ryii wolo; kadapokii samhang ai malum wokabui ninado kasangle.”

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

MATIMANGOU KAPYII 20:11

Sateichii sagongbam kadi kaha hangninii sateichii teiphyiiryiito bam kalei ah gotei Inii ngou takle, Ah doi teito sating ninado sazyii teinii pakga takle, sateichii ahnyii jangpii bamtei dousutakle.

MATIMANGOU KAPYII 13:1

Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle.

ROMMEI 8:21

Kadapokii baichem hang teinado thamsii ramtang karam kito laat mpatpyii tangle, sateichii Saraa nahmeinii araangra katii pumtei kava tei doutangle.

MATIMANGOU KAPYII 6:14

Sateichii larekgum kajui kalei takumpii sating tei gatutakle sateichii zang hang goteido dwipii ska madai magui katu sazyii hang godo mpou mpoumah bam kiteito poitoi takle.