MATIMANGOU KAPYII 15:2 - KARANU KABI SAMTAM

² Sateichii sakhiibung mah dwi- jaigo raikatu mi ryii nja katu hangninii Inii ngoule. Sateichii saramkowgo ninado ahmah akhii ninado ah mah zei tung tiisii kalei asaa hang go ngamkalu meihang goteido Inii ngoutakle. Ahnyii teinii Saraanii ahnyii dakii pyii kabam levii tei poisii, sakhiibung mah dwijai kuto satsii leile.

MATIMANGOU KAPYII 15:2 Referans Kwoze

MATIMANGOU KAPYII 4:6

Sateichii sagongbam doitei ralekgo karai malikpeek katu dwijai takum katu leile, sateichii sagongbam doitei ninado teigo magui kabang tei atai adoi mikpiinii katokryii karing kounah madai leile.

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

MATIMANGOU KAPYII 5:8

Sateichii Ahnii larek tei poikatu tinglang kak, karing kounah madai sateichii katingmei makaisii madai nkhii teinii jaonah doitei kou- mang takle. Ahnyii mpou mpoumah kitat tung poisii sateichii kamateimei mah kariita tiisii tiiroutou piinii katokryii sanah mah koklat tei leile.

MATIMANGOU KAPYII 21:18

Sateichii teimah mbaang tei jasper kuitupiinii tiile sateichii namdi teinii sakhiibung takumpiinii matei kabi sonapiinii tiile.

1 PITAR 1:7

Tiimashyiiwo kabui sona katangdo, ahmah matei kasu kahong hangtei rutoitang karam jangpii mipiinii jaijuleile; teitakumpii sona sung kisii maiteeng kaki gonyiimah kamalum tei gonyiinii dousii kalei kamage kalak hangteipii jaiju tang karamle. Gonyiimah kamalum teinii leh wosii satto leponii, Jisu Kristanii kagong piinei leimik gonyiinii tam kamatoi, pumtei kava ninado sadzyii ngariit katii tei Saraa dato doutangle.

METIU 3:11

“Lungkali kalu jangpii Inii dwi kito gonyiigo dwi mpum pyiile; nlenii gutaito gongtang karam Ah teinii gudoito dikile; Inii mpoumah pichot kapoi katangdo tiikajyii makle, Ahnanii gonyiigo rangii kamatei kito ninado mipii dwi mpumpyii tangle.

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

1 PITAR 4:12

Lungkasyiimei, gonyiigo jaiju tang karam jangpii gonyii phyiiryii gongkalei mi karumah kamage kiteito asung kaga tha gonyii dato pat leitakle katupii sung gasulo.

MATIMANGOU KAPYII 13:1

Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle.

MATIMANGOU KAPYII 13:17

Sateichii siiti tei katunii saramkow mah zei mak-kii ahmah zeimah asaa tei pung kaleimei teisupiinii meikaniido mah lyii wolakle.