MATIMANGOU KAPYII 15:1 - KARANU KABI SAMTAM

¹ Teito sating gamki ngouka- hing ninado kamadat kaki pat tang karam siiti hangninii katunii, Sararahum sana kalei sating gamlui sanago, Inii ngoutakle, Sararahum sana tei nale, kadapokii ahnyii hang dato Saraamah rakarhii tei kaluile.

MATIMANGOU KAPYII 15:1 Referans Kwoze

MATIMANGOU KAPYII 21:9

Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

MATIMANGOU KAPYII 19:15

Lui hang go mpounii ngam tangle, mwi kabi saryiikhang hangninii tei Ahmah mwi kito pat takle. Ahnii ahnyiigo sagyii tingrang- pii ahnyii phyiiryiito apum tiitangle, sateichii Ahnii Saraa kadimah hangkapii hungsii rakarhiimah darkhati jou kakaryii bamtei pipii kusii paryii tangle.

MATIMANGOU KAPYII 16:1

Sateichii Saraa kamaning kilungto rok kasagoi hang- ninanii sating gamlui sana dateikii aitiisii katam Inii shiitakle, “Tat tulo, Saraanii rakarhii mah kok sana tei sazyii pouryiikii rui mpat ailo.”

MATIMANGOU KAPYII 14:19

Sateichii sating gamlui teinii ahmah kadou tei sazyii pouryiikii m-mang pyiisanii, sazyii pouryiimah darkhati hangtei rachet tosanii, teitei Saraamah hangkapii hungsii rakarhiimah darkhati kakaryii kadi kiteikii toikai aitakle;

MATIMANGOU KAPYII 14:10

ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle.

MATIMANGOU KAPYII 11:14

Hangna kashang mage tei maju aitakle; julo, hangtum kashang mage tei gonglei takle.

MATIMANGOU KAPYII 10:3

Sateichii Nongsanii nrakalei takumpii ahnii rok sagoisii saa takle; sateichii ahnii saa ka-mpat kak, sating katwi sananii khoi nratakle.

MATIMANGOU KAPYII 8:6

Teito kachem sana poikalei sating gamlui sana teinii kachem tei kongtang karam jangpii tiikada wotakle.

MATIMANGOU KAPYII 8:13

Teito Inii jule, sateichii sating sumteito jung kalei kalaang ruinah hangninanii rok sagoisii katam tei Inii shiitakle; “Kongtang karam sating gamlui kaki hangtum mah kachem hang jangteipii sazyii pouryiito lung kalei hang jangpiinii kamagele, kamagele, kamagele!”

MATIMANGOU KAPYII 8:2

Teito Saraa doito sat kalei sating gamlui sana ninado ahnyii dakii kachem sana pyii katu tei Inii ngoutakle.

MATIMANGOU KAPYII 9:20

Sateichii Saraa rahum aihang ainii tiirang kasu mashak kalei meihang tei ahnyii bahpiinii katii tha hang kiteito lung kalimakle, mak-kii ngoudo ngoukasu shiido shii kasu, tatdo tatkasu, sona mah, sanah raguibamah, maikateeng kuitumah, kuitu ninado tingmah, tingtumah param hang go ninado sara kashyii hang go riitasii kalei tei toimakle;

MATIMANGOU KAPYII 17:1

Teito kok sana kalei sating gamlui sana kak kito hangninanii guda patsii tamle, “Patlo, sazyii pouryii sagongmei hangnii mpoupeigo kaswisii ma- shung kamaha tha katii ninado mashung kamaha tha katiimah jou teipii sazyii pouryiito lungkaleimei hangnii panhiisii kalei,