MATIMANGOU KAPYII 13:8 - KARANU KABI SAMTAM

⁸ Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 13:8 Referans Kwoze

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

MATIMANGOU KAPYII 3:5

Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

MATIMANGOU KAPYII 21:27

Nlenii Jaonah mah karingmah larekbung kikii zei ryiikai kabam mei tei supiinii, matei kasu, ka-nrou tha katiimei, mak-kii kachuimei hang- teinii teiki lungtei liitsang liitlakle.

MATIMANGOU KAPYII 5:12

Ahnyiinii rok sagoisii tamle, “Gitat kalei jaonah teinii, teimaham, kani kahii, swirek kabi ninado katei kamaham, sadzyii ngariit katii, pumtei kava ninado tam kamatoi ai dou kajyiisekle!”

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

LUKNII KARYII KABI RASAM JUKAMATI 10:20

Nlenii sara kashyii hangteinii gonyii sam swile katu aipii gonyiinii nta sulo; nlenii gonyii zei sating gamkii ryiibam taklesii ntalo.”

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

MATIMANGOU KAPYII 3:20

Julo, Inii takam pibangto satsii kakhii leile, mei kata hangninanii gumah roktei shiisii takam tei laatpyii leponii, Inii ah dato liit tosii, Inii ahgo kaswisii sateichii ahnii n-gu kaswisii chii sak njoitangle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

MATIMANGOU KAPYII 12:15

Teito sanhii teinii sapwi mpei gotei dwi kadi teipiinii taipung matutang karam jangpii, sapwi mpei taiteikii karyii takumpiinii dwitei ahmwi kito rui mpat takle.

MATIMANGOU KAPYII 5:13

Sateichii sating gamto, sazyii pouryiito, sazyii pouryii kangto dwi kito ninado sating sazyii lung kito kalei hangnii aitiisii lhii katii tei Inii shiitakle. “Sagongbam kito bam kalei Ah dakii ninado jaonah dateikii tam kamatoi, sadzyii ngariit katii, pumtei kava ninado kalui gasii katei kamaham tei matulo!”

MATIMANGOU KAPYII 6:1

Aitoinii Jaonah teinii seal sana kak kito seal karei tei tiipaksii kalaat tei Inii ngoutakle, sateichii karing kounah madai kak kito hangninanii sating katuimah rok takumpiinii, “Patlo!” sii katam tei Inii shiitakle.

MATIMANGOU KAPYII 13:12

Sateichii karei saramkow mah teimaham hangtei ah doito poisii tha tiile, sateichii rajam pung- kalei bikalu karei saramkow gotei sazyii pouryii ninado teilungto lungkalei hang go mata matutakle.