MATIMANGOU KAPYII 12:4 - KARANU KABI SAMTAM

⁴ Sateichii mpoupeimah mee teipiinii sating gam mah sageiti hangmah njai hangtum kito njai hangninii gotei chyii m-mang sazyii- kii toikai aitakle, sateichii sapwi mpei teinii nah gotei lung m-mang sekchii, mwigatpwi teinii nah gotei poichii tang karam jangpii, nah lungtang karam pei doi teito sat totakle.

MATIMANGOU KAPYII 12:4 Referans Kwoze

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

MATIMANGOU KAPYII 9:19

Kadapokii takoi hangmah teimaham teinii ahnyiimah mwi ninado mee hang kiteito leile; ahnyii- mah mee hangtei sanhiigo raile, sateichii phyiibung pungle ninado teihang teipiinii meinahgo deng matule.

MATIMANGOU KAPYII 9:10

Aga nrek takumpii ahnyiido mee leile, machyiido leile, sateichii ahnyiimah mee kitei meinahgo sakhii mangii tchii matutang karam mah teimaham tei leile.

MATIMANGOU KAPYII 8:7

Sating gamlui karei teinii ahmah kachem tei kongtakle, teito siiti ninado mi, zaigo ryii njasii sazyiikii rui m-mangtakle. Sateichii sazyii pouryii njai hangtum kito njai hangninii tei sungtoi aitakle, ruibang hang njai hangtum kito njai hangninii, sateichii sagei hiinhii kamadek hangtei sungtoi aitakle.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

MATIMANGOU KAPYII 17:18

Sateichii nangnii ngou katu sapwi mpei teinii sazyii pouryiimah sagongmei hang phyiiryiito apum tiikalei namdi kadi teile.”

MATIMANGOU KAPYII 8:8

Teito hangna kashang sating gamlui teinii ahmah kachem tei kongtakle, minii sungkalei zang kadi hangninii takumpii mah hangninii dwijai kikii toikai aitakle; sateichii dwijaimah njai hangtum kito njai hangninii tei zai ndat wotakle;

MATIMANGOU KAPYII 8:9

Sateichii dwijai kito kalei karing kounah hangmah njai hangtum kito njai hangninii taitakle, sateichii malyii garyii hang mah njai hangtum kito njai hangninii tei tiimaga aitakle.

MATIMANGOU KAPYII 8:10

Sateichii hangtum kashang sating gamlui teinii ahmah kachem tei kong takle, sateichii mi machii takumpii mi songkalei sageiti kadi hangninii sating gamto takmang- sanii karyii hangmah njai hangninii phyiiryii ninado dwimah dwipok hang phyiiryii takmang takle.

MATIMANGOU KAPYII 8:11

Sageiti zei tei “Kakha” sii latle, dwi njai hangtum kito njai hangninii tei kha takle; meihangkii dwi tei sak wosii taitakle; Kadapokii dwi tei kakaa ndat takle.

MATIMANGOU KAPYII 8:12

Teito madai kashang sating gamlui teinii ahmah kachem kongtakle, sateichii leimikmah njai hangtum kito njai hangninii sakhiimah njai hangtum kito njai hangninii, sateichii sageiti hangmah njai hangtum kito njai hangninii, myii matutang karam jangpii, sateichii tingnamah njai hangtum kito njai hangninii, tinghum mahdo teitakumpiinii vamatulak tang ka- ram jangpii, leimikmah, sakhiimah ninado sageiti hangmah njai hangtum kito njai hangninii kakhii aitakle.

MATIMANGOU KAPYII 12:7

Sateichii sating gamto saryii pat takle, Maikel ninado ahmah sating gamlui hang teinii mwigatpwi gotei saryii tiitang karam jangpii tatpatsii mwigatpwi ninado ahmah sating gamlui hangteinii saryii tiitakle;

MATIMANGOU KAPYII 13:2

Sateichii Inii kangou saramkow tei Kowrokgo raile, sateichii ahmah pi kouzhii teinii sahom takumle, sateichii mwijong teinii nongsa mah mwijong takumle. Sateichii mwigatpwi teinii ahmah teimahamle, sagongbam ninado teimaham kadi tei ahgo pyiitakle,

MATIMANGOU KAPYII 13:4

Sateichii ahnyiinii mwigatpwi gotei mata takle, dapokii ahnii saramkow dateikii teimaham pyiitakle, sateichii ahnyiinii saramkow gotei matasii tamle, “Saram kowgo njoi katu ta leipo? Sateichii ahgo tanii saryii tiiwo buipo?”

MATIMANGOU KAPYII 16:13

Sateichii mwigatpwi mah mwiki teito, saramkow mah mwiki teito kasang kasu lungkakaling meihang mah mwiki teito gownah takum katu matei kasu rangii hangtum kapat tei Inii ngou takle.

MATIMANGOU KAPYII 20:2

Sateichii ahnii mwigatpwi, peipao sanhii katunii, sara kashyii mak-kii seitan, gotei jum wosii, tingkum tangkii jangpii ahgo rengpeinei sanii,