MATIMANGOU KAPYII 1:18 - KARANU KABI SAMTAM

¹⁸ sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

MATIMANGOU KAPYII 1:18 Referans Kwoze

ROMMEI 6:9

kadaponii katai kito ringkhii kalu Krista tei taisang tailoi lak takle; katai teinii mpougo apum tiiloi lak takle katu tei nyiinii tile.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

METIU 16:19

Inii godakii sating gam sazyii mah chabyii tei pyiitangle; sazyii pouryiito nangnii mazhii kasu tei sating gamtodo mazhiilakle, sateichii sazyii pouryiito nangnii kamazhii tei sating gamtodo mazhii tangle.”

MATIMANGOU KAPYII 20:14

Sateichii katainei kataimeimah sazyii gotei mi mah jailungkii toikai aitakle. Ai mi mah jai ai, hangna kashang katai teile.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

MATIMANGOU KAPYII 4:9

Sateichii karing kounah hang- teinii sagongbam gamto bam kalei, kalui gasii ringkalei ah dakii pumtei kava, sadzyii ngariit katii ninado hakalang kapyii tinglang kak,

HEBRUMEI 7:16

Mpounii pumzai mah ajaitingshang taiswisii makle, nlenii kalui kaga karing mah teimaham taiswisii kanat kajum Atingmei tiiwo takle.

2 KORENMEI 13:4

Kadapokii kasui kiteito mpougo gi aitakle, nlenii Saraamah teimaham teipii ringsii leile. Kadapokii nyii ai mpou dato suile, nlenii gonyiigo kaswisii lung katu kito Saraamah teimaham teipii nyiinii mpougo kaswisii lung tangle.

MATIMANGOU KAPYII 9:1

Teito mangii kashang sating gamlui teinii ahmah kachem tei kongtakle sateichii sating gamto sageiti hangninii sating gamto sazyii tak kamang tei Inii ngoutakle. Kathok nlai kaga ahom mah chabyii tei ahgo pyiitakle,

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

KOLOSIMEI 3:3

Kadapokii gonyiinii taitakle, sateichii Kristago kaswisii gonyiimah karing tei Saraa dakii kabaibamle.

MATIMANGOU KAPYII 5:14

Sateichii karing kounah madai teinii tamle, “Amen!” Sateichii ka- tingmei hangteinii koumangsii matale.

METIU 11:23

Sateichii nang, Kaiparnam! Nang sating gam katang poi sagoi matunyii leipo? N-go mibam kikii toi m-mang tangle; kadapokii goda tiikamangou sung kaga tha hangtei Sodom dakii tiimangou leponii, tingnei katangpii Sodom tei ringsii leilei tangle!

LUKNII KARYII KABI RASAM JUKAMATI 24:5

Sateichii ahnyiinii hingbeidiju aisii, sazyii nkwimang katu kak, sapfiimei hangna teinii ahnyii dakii tamle, “Katai kakto karing go gonyiinii kadajangpii fiileipo?

JONNII KARYII KABI RASAM JUKAMATI 11:25

Jisunii mpoupei dakii tamle, “Ringkakhii ninado karing tei I-le, n-gu kamalum mei hangteinii tai ai kido ringtangle;

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

MATIMANGOU KAPYII 6:8

Sateichii Inii ngoutakle, sateichii julo, takoi hadak katu hangninii sateichii teiphyiiriito tongkalei ahmah zei tei kataile, sateichii kataimei mah sazyii teinii ah-tai swileile satei- chii sazyii pouryii njai madaimah njai hangninii phyiiryiito teimaham katunii, saryiinii, atak kateengnii, rahum rapi kashyiinii sateichii sazyii pouryiimah saram kounah hangnii gitat matutang karam jangpii ahnyii dakii pyiitakle.

MATIMANGOU KAPYII 10:6

Kalui gasii ringkalei, sating ninado teilungto kaleihang go tiikapyii, dwijai ninado teilungto kaleihang go tiikapyii, Ah zei kito, riishii tii aitakle, katunii, “Riloi lakle.”

MATIMANGOU KAPYII 15:7

Sateichii karing kounah madai kak kito hangninanii sating gamlui sana dateikii kalui gasii ringkalei Sa- raamah rakarhii teipiinii katokryii Sona kok sana pyiitakle.

MATIMANGOU KAPYII 20:13

Sateichii dwijai teinii ahmah katai tei mpat aitakle. Katai ninado katai sazyii teiniido ahnyiinii jumkalei katai tei mpat aitakle, sateichii meihang gotei ahnyiinii tiikabam tha taiswisii samtak tiita- kle.