MARK 9:32 - KARANU KABI SAMTAM

³² Nlenii ralikapyii samtei kada- peipo katu tei ahnyiinii tisutakle, sateichii ahnyii tei mpougo n-nhii- hing takle.

MARK 9:32 Referans Kwoze

LUKNII KARYII KABI RASAM JUKAMATI 18:34

Nlenii tam kalei samkang hang ai ahnyiinii hangninii kado tisu takle, tam kalei ai ahnyii dato poi kabai ai takle, sateichii tam kalei tei ahnyiinii tipeiwo lak takle.

LUKNII KARYII KABI RASAM JUKAMATI 9:45

Nlenii tam kalei ai ahnyiinii tisutakle, sateichii ah- nyiinii teitei swi kito tipei kalak tiisii ahnyii dato kabai aitakle; sateichii tamsii kalei aikaang kito ahnyiinii mpougo n-nhii hingtakle.

LUKNII KARYII KABI RASAM JUKAMATI 2:50

Nlenii mpounii khela kapyii samtei ahnyiinii tisutakle.

JONNII KARYII KABI RASAM JUKAMATI 16:19

Ahnyiinii n-nhiikanyii tei Jisunii tiwosii, ahnyii dakii tamle, “Tinglang shangniikii sousekchii gonyiinii n-gu ngoukailak takle, sateichii nlailoisii tinglang shang- niikii sousekchii gonyiinii n-gu ngou tanglesii Inii tam kabam aikaang kito gonyii kak kito gonyiinii n-nhii leipo?

JONNII KARYII KABI RASAM JUKAMATI 12:16

Nunii mpou boumei hangteinii ai ai tiwo makle, nlenii Jisugo pumtei kava kikii tiimaring kapyiitainii ai ai mpoumah kaang kito ryiibamle katu ninado mpou dakii tiibam takle katu tei ahnyiinii maning gongtakle.

MARK 9:10

Ahnyiiniimpou sam taiswisii makum wotakle, nlenii ahnyiiroi- napii karashiitu takle, “Katai kito ringkakhii katu ai kadapeipo?”

JONNII KARYII KABI RASAM JUKAMATI 4:27

Teitinglang sek-kii Jisu boumei tei nlaigong takle, sateichii mpounii sapwi mpeigo sam rashii kalei tei ngousii ahnyiinii sung gatakle; nlenii meikaniido mpougo “Nang kadapei fiileipo” mak-kii “Mpounii kada- jangpii mpoupeigo sam rashii leipo?” sii tam makle.

LUKNII KARYII KABI RASAM JUKAMATI 24:45

Teito ahnyiinii kabi rasam tiwo kabwi jangpii mpounii ahnyii swi tei laatpyii takle.

MARK 16:14

Kana nasang kito Jisunii kea- riisakankii dakii mangoule ahnyii mahchii kalei kak, mpounii ahnyiigo n-gile, dapokii ahnyiinii lung teisii malum kasu jangpii ninado mpounii ringkhii kalu tei mpougo ngou kalumeigo ahnyiinii malum kasu jangpii.

MARK 8:33

Nlenii Jisunii nryiigong mpou-boumeigo jule sateichii Pitar go n-gile, “Gutailam tat tulo, Seitan! Kadapokii nangnii kamaning tei Saraa dato gongmakle, nlenii meinah dato gongle.”

MARK 7:18

Teito Jisunii ahnyii dakii tamle, “Gonyiiniido rei timakpo? Mah kata kata kido siibato meinah lung liit kalu tei teipiinii meinah go tiimahongpei wolakle,