MARK 8:23 - KARANU KABI SAMTAM

²³ Teito Jisunii mik kachetpii gotei bahto jumsii nam ki teito siiba pangpat takle, teito Jisunii mik kachetpii mik kikii poktai masui kaipyiisii mpou gamkii mpou bah kaisii mpougo n-nhiile, “Nang mah kado ngoumakpo?”

MARK 8:23 Referans Kwoze

MARK 7:33

Sateichii Jisunii mei- moi kak kito mpougo pangsi takle, sateichii bah jungnapii mpou-khoi kikii dengpyiile sateichii poktai ma- swikaisii mpou-malyii tei dengpyii takle;

MARK 5:23

Sateichii mpou dato lung liit gatsii khangle, mpounii tamle, “Gunah sapwi mpei tei tailesii bam takle. Gong seilo ninado mpoupei phyii- ryiikii go-bah tei kaiseilo mpoupeinii biwo kabui jangpii sateichii ring- kabui jangpii.”

TIILAMLWI KAPYIIMEI THA JUKAMATI 9:8

Sateichii Solnii sazyiito gungtu satto takle, nlenii mpou mik rak sek-kii samah kado ngousu takle teito ahnyiinii mpougo bahto jum wosii Damaskas ki namdi lung teikii chyiiliit pyiitakle.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

HEBRUMEI 8:9

ai ainii Inii ahnyiigo bahto jumsii Izip sazyii kito pangpat kapyii piinei leimik ahnyii peipaomei hangdakii Inii tiikapyii sat tang karam samtam takum lakle. Inii ahnyiigo kaswisii tiikabam sat tang karam samtam tei ahnyiinii majai makle, teipiinii Inii ahnyiigo shiipyii makle.

MARK 8:24

Teito mpounii jumakhiisii tamle, “Inii meinah ngoule; nlenii meinah tei ruibang tat kalei kumpii ngoule.”

MARK 8:26

Teito Jisunii mpougo kakhatsii tamsii kilam lang matu takle; “Nam kitei nlaido nlai liit sulo.”

TIILAMLWI KAPYIIMEI THA JUKAMATI 23:19

Teito Romki pum katii kadipii teinii mpougo bah kajum wosanii lingkakii pangpatsii mpou dato makumpii n-nhiile, “Nangnii gudakii tam mangoutang karam kadapei leipo?”