MARK 8:17 - KARANU KABI SAMTAM

¹⁷ Ahnyiinii karashii kalei tei Jisunii tiwosii mpounii ahnyii dakii tamle, “Tiirok kaga jangpii gonyii dapei karashii leipo? Gonyiinii toi katangpii timak-ngoumakpo rei? Gonyii lung tei leipo?

MARK 8:17 Referans Kwoze

MARK 6:52

Dapochiinii mei thang mangiigo bai kalu mah kasang kaang tei tikasu jangpii, ahnyii swipii tipei wolak takle.

MARK 2:8

Ahnyiinii maning kalei tei Jisunii tiwosek-kii mpounii ahnyii dakii tamle, “Gonyiinii dajangpii gonyii lung kito ai kakum swi ai maning leipo?

MARK 3:5

Sateichii mpounii ahnyiigo ra-karhii tei njasii ju magui sanii, ahnyii lung katei jangpii swi kamagesii mpou dakii tamle, “Gobah ntaapatlo,” teito mpounii bah ntaa pat takle, ninado mpou-bah tei bitakle, tchii kasulam takum takle.

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

JONNII KARYII KABI RASAM JUKAMATI 21:17

Jisunii mpougo hangtum kashang tiisii tamle, “Jon nah sapfii mpou Saimon, nang n-gu lungsyii makpo?” sii Jisunii mpougo hangtum kashang tiisii katam jangpiinii Pitar swi mage takle. Teito mpounii Jisu dakii tamle, “Bangpii nangnii matum madum tile, Inii n-go lungsyiile katu nangnii tile.” Jisunii mpou dakii tamle, “gumah Jaonah mei go koichyii pyiilo.

JONNII KARYII KABI RASAM JUKAMATI 16:30

Nangnii mahlyii hang tile, sateichii meikado n-go kachyiinhii tang karam gale katu aitoinii nyiinii titakle; aipiinii Saraa dato nang gongle katu nyiinii malumle.”

LUKNII KARYII KABI RASAM JUKAMATI 24:25

Teito mpounii mpoupiina dakii tamle, “Oh kapangmei, ninado lungkakalingmeinii katam sam gotei malum kalang kasumei!

MARK 16:14

Kana nasang kito Jisunii kea- riisakankii dakii mangoule ahnyii mahchii kalei kak, mpounii ahnyiigo n-gile, dapokii ahnyiinii lung teisii malum kasu jangpii ninado mpounii ringkhii kalu tei mpougo ngou kalumeigo ahnyiinii malum kasu jangpii.

METIU 15:17

Mwi kito kaliit hangtei moilung liitsii tat tule katu gonyii timakde?

METIU 12:15

Sateichii Jisunii ai tiwosii tei kiteito tat tutakle, sateichii mei hangkanii mpou-tai swiwo takle, sateichii mpounii ahnyii hang go ra katchii tii mbipyiile.

METIU 16:7

Teito ahnyii karapii ahnyii kak kito “Nyiinii tiirok pangkado pung kasu jangpii mpounii ai tam leitakle katupii rashiitu takle.”

MARK 8:16

Ahnyii kak kito ahnyii roinapiinii rashiitu takle, “Mpounii ai tamleile, dapochiinii nyiida tiirok gatakle.”