MARK 4:20 - KARANU KABI SAMTAM

²⁰ Sateichii sazyii kabi kikii ralikai kabam ahnyii teinii sam tei shii wosii lungkikii lukai wole sateichii ati tei kangkanii tamrhii, reksiirok, ninado hai katang matile.”

MARK 4:20 Referans Kwoze

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

LUKNII KARYII KABI RASAM JUKAMATI 8:15

Sazyii kabiki tak kaliit lwirou hangteinii, samtei shiiwo takpokii, katam kaswi ninado kabi lung kikii lukai wosii leh katipanii ati kamati ahnyii aile.”

MARK 4:8

Nlenii lwirou kangkanii sazyii kabiki takliit takle, sateichii pokpat takle, moibui- buitu takle sateichii atido matitu takle, kangkanii ati tamrhii matile, kangkanii ati reksiirok matile, sateichii kangkanii ati haido matile.”

METIU 13:23

Sateichii sazyii kabi kikii ralikai kabam ahnyii teinii samtam tei shii wosii teigotei tiwole; ahnyiinii kasangpii ti matile: kangkanii njai hai, kangkanii reksiirok, sateichii kangkanii tamrhii matile.”

2 PITAR 1:8

Kadapokii aihang ai gonyiimah tiisii tangkasu tiisuleponii, nyii Bangpii Jisu Kris- tago matwi mashangsii titang karam jangpii aihang ainii gonyiigo tiikamahat ninado ti mati matu kasu tei tiilakle.

ROMMEI 7:4

Tei takumpiinii he kangsanamei, Gonyiinii kaki hangninii mah, katunii katai kito ringkhii kalu Ahmah tiitang karam jangpii, gonyiido Krista mah apum paito Ajaitingshang lamtuito tai takle, ai ai nyiinii Saraa dato ati-matitang karam jangpiiniile.

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

1 THESOLONIKAMEI 4:1

Kalui kito, kangsanamei, gonyii- nii kada takumpii lung tangpo, sateichii kada takumpii Saraa dzyii karanga tiitangpo katu nyii dato gonyiinii doukalu takumpii, sateichii gonyiinii tiido tiisii kalei takumpii, gonyiinii kisii kisii tiimatu tang karam jangpii Bangpii Jisu zei kito nyiinii gonyiigo khangdo khang leile sateichii katwido katwi leile.

PILIPIMEI 1:11

Jisu Krista roinii pyii wokabui pumtei kava ninado Saraago tam kamatoi, kasang kabi hangteipii gonyiimah tiilung tei tokryii tangle.

METIU 13:8

Nlenii kaki hangteinii sazyii kabiki takliitsii, kangkanii njai hai, kangkanii reksarok, sateichii kangkanii tamrhii ti mati takle.”

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.