MARK 2:20 - KARANU KABI SAMTAM

²⁰ Nlenii tinglang tei gong tangle, nou tiitang karampii gotei ahnyii kak kito poitoi tangle, sateichii teipiinei leimik ahnyiinii malotryii tangle.

MARK 2:20 Referans Kwoze

LUKNII KARYII KABI RASAM JUKAMATI 17:22

Teito Jisunii mpou boumei dakii tamle, “Tinglang hangtei gong leitakle gonyiinii meinah Sapfii mpoumah leimik hang kito tingneikii leimik ngoukainyii tang karam tei, nlenii gonyiinii ngoulakle.”

MATIMANGOU KAPYII 21:9

Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

MATIMANGOU KAPYII 19:7

Nyiinii nta rangade sateichii Ahgo tam matoide. Kadapokii Jaonah mah myiikapang tinglang tei gong takle, sateichii mpoumah amyiipeipwi teinii mpoupei roinapii tiikada wotakle;

2 KORENMEI 11:27

Tha katii ninado kamage leh katu, tinghum hangkii Inii zyiikasu, Inii moi kamazyii ninado kasaryii, tak chiisupii, sateichii peimani kaisupii leile.

2 KORENMEI 11:2

Saraanii lung kanhii takumpii, gonyii jangpii Inii lungkanhii hang- kapii leile; sapwimei hangninanii mpoupeigo manou tang lesii n-nhii- tak kalei sapfiimei hangniniigo bisii kalei, sateichii myiikapang leimik tei gong kasuta mateisii kalei takum- piinii, gonyiinii Jisu Kristago tiigatpii matwi mashangsii bisii kalei tei Inii mareile.

1 KORENMEI 7:5

Gonyiinii kariita tinglang pyii kabui tiisii tinglang shangniikii jangpii gonyiinii mazhii kalu tei supii; gonyii hangninanii hangniniigo nam sulo; sateichii gonyii roinapii gonyii pumgo pung matwi pung majyii tang kasu jangpii seitannii gonyiigo hem kasu tiisii gonyiinii nlailoisii kadouloi katu bile.

TIILAMLWI KAPYIIMEI THA JUKAMATI 14:23

Sateichii ahnyiinii malot karyii ninado kariita njasii Charsh hang kito ahnyii jangpii katingmei hang kalai mpatpyii kaleitai, ahnyiinii kamalum Bangpii dakii ahnyiinii ahnyiigo pyii aitakle.

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

TIILAMLWI KAPYIIMEI THA JUKAMATI 1:9

Sateichii mpounii ai tam kaleitai, ahnyiinii aitiisii juleibangpii, mpougo sating gam pangkhiitu takle; satei- chii mongjyii teipii ahnyii mik tei gomnei wosii mpougo ngousu takle.

JONNII KARYII KABI RASAM JUKAMATI 17:13

Nlenii aitoinii Inii goda gongleile; sateichii ahnyiinii mpou mpou lung kito gumah ka-nta tei matwi mashangsii leimatu tang karam jangpii sazyii pouryiito samhang ai Inii tam leile.

JONNII KARYII KABI RASAM JUKAMATI 17:11

Sateichii Inii sazyii pouryiito bamlak takle, nlenii ahnyiinii sazyii pouryiito leile sateichii Inii goda gongleile, kamatei Pfii, nyiinii hangninii katu takumpii ahnyiinii hangninii tiimatu tang karam jangpii, nangnii gudakii pyiikabam ahnyii aigo gozei kito koipyiilo.

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 16:7

Nlenii Inii gonyii dakii kasangpii tam leile, Inii tat katu ai gonyii jangpii bibwile, kadapokii Inii tat tusuleponii; tiikahapii tei gonyiida gongsang gonglakle, nlenii Inii tat tuleponii, Inii ahgo gonyii dakii lang magong tangle.

JONNII KARYII KABI RASAM JUKAMATI 13:33

Nah kachengmei, tinglang shangniikii jangpii Inii gonyiigo kaswisii bam leile, gonyiinii n-gu fiitangle, sateichii Inii Jehu- dimei dakii tam kabam takumpii: Inii katat bam kitei gonyiinii gongpei wolakle, teitakumpiinii aitoi Inii gonyii dakiido tam leile.

JONNII KARYII KABI RASAM JUKAMATI 3:29

Myiipeipwi go pang kalu mpou tei nou katii sapfii mpou teile. Nlenii kuto satpii mpou sam shiisii kalei nou katiipii mah kangmei teinii, nou katiipii mah rok shii wosii ntale, gumah ka-nta tiimashang kapyii teinii aile.

METIU 26:31

Teito Jisunii ahnyii dakii tamle, “Tingnei tinghum sek-kii gonyii hangnii n-gu toisii pakga tangle, kadapokii aitiisii ryiibamle, ‘Inii Jaokakoipii gotei girang aitangle, sateichii jaokoi mah Jao hang tei pak marou maruk tutangle,’

2 KORENMEI 6:5

Nyiigo datle, kabang kikii bangle sateichii nyii phyiiryiikii mei moinii koi nrung patle, nyiigo tha katei tiimatusii, maziit kasu ninado moi kamazyii tei nyiigo pyiile.

JONNII KARYII KABI RASAM JUKAMATI 12:8

Mah kagameinii gonyiigo kaswisii sating kata leile, nlenii Inii gonyiigo kaswisii taksupii bam makle.

METIU 9:15

Jisunii ahnyiigo khekalatle, “Nou tiitang karampii teinii myii kapangki gonghaisii kalei meigo kaswisii bam kaleitatei ahnyiinii swi mage wobuipo?” Ahnyii kak kito nou tiitang karampii gotei poitoi tang karam tinglang leimik tei gong tangle, satei- chii teito ahnyiinii malotryii tangle.

MARK 2:19

Jisunii ahnyii dakii khekalatle, “Amyii kapangki gonghai kalei kangmei teinii nou tiitang karampii gotei kaswisii bamleibangpii malot- ryii wobuipo? Nou tiitang karampii gotei ahnyiinii kaswisii kaleita ah- nyiinii malotryiipei wolakle.

MARK 2:21

“Mei kaniido pei kaham kikii pei kasatai makotkai leimakle, kadapokii makot kakai pei kasatai teinii chyiisii pei kaham gotei hetriit toi tangle, sateichii tei teinii kisii tiimahak maditu tangle.

LUKNII KARYII KABI RASAM JUKAMATI 5:35

Nlenii tinglang tei gong- tangle, nou katiipii gotei ahnyii kakto poitoi tangle sateichii tei taito ahnyiinii malotryii tangle.”