MARK 16:17 - KARANU KABI SAMTAM

¹⁷ Sateichii tiikamangou siiti aihang aipiinii kamalum meihang go kaswi tangle katunii: Gu zei kito ahnyiinii sara kashyii hang go baatoi tangle lat ka- taam kataam tam tangle;

MARK 16:17 Referans Kwoze

TIILAMLWI KAPYIIMEI THA JUKAMATI 5:16

Sateichii Jerosalem mah sazyii lungkoi kiteito kalei namdi namdi kito mei hangniido katii kanhiimeigo sateichii sara kashyiinii kaswi kalei meihang go pang gongsii ndwi wotakle ninado ahnyiihang gotei tii mbipyii takle.

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

1 KORENMEI 12:10

Sateichii kaki hangninii dakii kamadat tha tiikabui mah luha, kaki hangninii dakii Saraa sam tam ka-mpat, kaki hangninii dakii rangii hang go juti tang karam, kaki hangninii dakii katham katham lat katii, kaki hangninii dakii lat katham katham gotei tam kalatpyii tang karam mah pyiibam takle,

TIILAMLWI KAPYIIMEI THA JUKAMATI 8:7

Kadapokii kashyii rangii hangteinii rok sagoisii saasii tatpat totakle; sateichii pum pei taisii kaleimei mak-kii pi katwimei hang go tii mbipyii takle;

LUKNII KARYII KABI RASAM JUKAMATI 10:17

Sateichii mei reksana teinii ntasii nlaigong tamle, “Bangpii, gozei kito sara kashyii hang teinado nyiikang nkangle!”

TIILAMLWI KAPYIIMEI THA JUKAMATI 10:46

Kadapokii ahnyiinii lat kataam kataampii tam kalei ninado Saraago tam matoi katu tei ahnyiinii shii wotakle.

JONNII KARYII KABI RASAM JUKAMATI 14:12

Kasang kasangpii Inii gonyii dakii tam leile, N-gu kamalum mei hang teinii, Inii katiihang tei tiitangle. Nle, ahnii teisung dikaki tha tei tiitangle, dapodinchii Inii Pfiida tat tutakle.

TIILAMLWI KAPYIIMEI THA JUKAMATI 19:6

Sateichii Polnii ahnyii phyiiryiikii bah poikai pyii- sekkii rangii kamatei teinii ahnyii phyiiryii tei gong takle, sateichii ahnyii tei lat katham kathampiinii Saraa sam tam mpat tutakle.

1 KORENMEI 14:2

kadaponii lat hangninii kito tamsii kalei ah teinii meinah dakii makle, nlenii Saraa dakiile; kada- pokii mei kata hangninii kaniido teitei shii makle. Nlenii ahnii rangii kito kamakum samtei tam mpat leile.

1 KORENMEI 12:30

Katchii kanhiimeigo tii ka-mbi mah luha tei kalei kaganii doupo? Kalei kaganii lat katham katham tam leipo? Kalei kaganii lat katham kathampii tam kalei gotei tam kalatpyii leipo?

1 KORENMEI 13:1

Inii meinah mah sateichii sating gamlui hang mah lat katham katham tambuisii lei kido malahle, nlenii Inii lungkasyii tei gu dato galeponii, I-ai sagyiikoi kapat mak-kii lak kalei pung hangninii takumle.

TIILAMLWI KAPYIIMEI THA JUKAMATI 16:18

Sateichii mpoupeinii tinglang kathangkii ai ai aitii takle. Nlenii Polnii samou supiinii nryiigong sii rangii dateikii tamle, mpoupei dato tatpat totang karam jangpii Inii Jisu Krista zei kito godakii mwija pyii leile. Tei tinglang sek-kii, rangii teinii patto takle,

MARK 9:38

Jon-nii mpouda tamle, “Madhii- kapyiipii, mei hangninanii gozei kito sara kashyiigo baatoi kalei nyiinii ngoule, teito nyiinii mpougo namle, kadapokii mpounii nyii-tai kaswimei makle.”

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.