MARK 14:72 - KARANU KABI SAMTAM

⁷² Sateichii tinglang teisek-kii ruigang teinii hangna kashang tiisii kong takle, sateichii “Ruigangnii kongnakii kasunakii nangnii n-gu mazhiisu tumkii tangle,” sii Jisunii mpoudakii tam kapyii sam tei Pitarnii maning gong takle ninado mpounii tei tei maning gong sek-kii hat tutakle.

MARK 14:72 Referans Kwoze

MARK 14:30

Teito Jisunii mpouda tamle, “Kasangpii Inii godakii tam leile, tingnei tinghum Ruigangnii kungnakii kasunakii, nangnii n-gu mazhiilak tumkii tangle.”

MARK 14:68

Nlenii mpounii tei tei mazhii supii tamle, “Nangnii kadapei tam- leipo katu Inii timakle, kadapeipo katu tido timakle” sii mpounii tamsii kagotki tatpat takle, teisek-kii ruigang kongtakle.

2 KORENMEI 7:10

Kadapokii Saraa dato lungswi kamage katu teipii lungkali katu mah riiti tei mati matusii keikapyii kasaga tiilung nitei pang gongpyiile sateichii kamanga tei pung gong makle, nlenii sazyii pouryiimah lungswi kamage katu teipii katai tei pat matule.

LUKNII KARYII KABI RASAM JUKAMATI 22:62

Teito Pitar nii ki kajang patsii lung hungsii hatle.

LUKNII KARYII KABI RASAM JUKAMATI 22:60

Nlenii Pitar nii tamle, “He sapfii mpou, nangnii tam kalei I-timakle.” sateichii mpounii tam leibangpii, ruigang teinii kungbak takle.

METIU 26:34

Jisunii mpou dakii tamle, “Inii godakii kasangpii tam leile, tingnei tinghum sek-kii, ruigang kong kasunakii, nangnii n-gu mazhiilak tumkii tangle.”

MARK 14:71

“Teito gonyiinii karashii kalei meipfii aigo Inii timakle, sii tamsii mpounii mpouroinapii sheengsii rashii rasat tamtu takle.”